Konsert halyqaralyq arenada elimizdiń mádenı ımıdjin nyǵaıtý jáne Qazaqstan men Chehııa arasyndaǵy dıplomatııalyq baılanystardy damytý maqsatynda uıymdastyryldy. Rýhanı kesh – eki el arasyndaǵy mádenıetaralyq yntymaqtastyqqa degen umtylystyń aıqyn kórinisi.
Elimizdiń jetekshi mýzykalyq ujymdarynyń biregeıi – Qazaq memlekettik sımfonııalyq orkestriniń quramy asqan vırtýoz sheberler men kameralyq mýzykanyń úzdik álemdik dástúrlerin damytyp júrgen kásibı mýzykanttardan quralǵan. Qazaqstannyń Halyq ártisi, Eńbek eri Aıman Musaqojaevanyń eldiń baı mýzykalyq mádenıetin beıneleıtin jáne ony halyqaralyq sahnada nasıhattaıtyn ujym qurý týraly ıdeıasynan bastaý alǵan orkestr 1991 jyldan beri óner kórsetip keledi.
