1988-1991 jyldary Tashkenttegi qurylys tehnıkýmynda oqyp, 2006 jyly taý-ken jumystary mamandyǵy boıynsha joǵary oqý ornyn támamdaǵan Kendebaı Ydyrysov bilimnen kende emes. Biraq ol zaman aǵymyna ilesip, tehnıka tilin meńgerip, sapaly maman bolý maqsatynda qazir Qorqyt ata atyndaǵy Qyzylorda ýnıversıtetinde bilimin shyńdap júr. «Jasyratyny joq, jasyń úlkeıgennen keıin oqý ońaıǵa soqpaıdy. Biraq qaı jasqa kelseń de, jańashyldyqqa umtylǵan durys», deıdi ol.
Qatal tártip
Japonııada velosıpedpen kele jatyp telefonmen sóıleskender 6 aı bas bostandyǵynan aıyrylady nemese 100 myń ıen aıyppul tóleýge mindetti.
Jańa zań ótken jumada kúshine endi. Bıliktiń bul bastamasyna velosıpedshiler arasynda jol kólik oqıǵasynyń artýy sebep bolǵan. Máselen, byltyr 72 myń apat tirkeldi. Bul – eldegi jalpy jol apatynyń 20 paıyzyna teń. Al osy jyly velosıpedten 1 adam opat bolyp, ondaǵan kisi zardap shekken.
Jarǵanattar jarysy
AQSh-ta Jer resýrstaryn basqarý bıýrosy uıymdastyrǵan jarǵanattar arasyndaǵy sulýlyq saıysy ótti.
Osy bir jaratylys ıesiniń ekologııadaǵy mańyzdy rólin nasıhattaýdy maqsat etken federaldyq agenttik bul is-sharany 2019 jyldan bastap uıymdastyryp keledi. Jabaıy tabıǵatty qorǵaý jónindegi maman Emma Býsktiń aıtýynsha, jarǵanattardyń qorshaǵan ortaǵa úlesi zor. Olar zııandy jándiktermen qorektenip, gúlder men jemis aǵashtaryn tozańdandyryp, orman sharýashylyqtaryna orasan paıda ákeledi. Aıtpaqshy, bıylǵy baıqaýdyń jeńimpazy Oregon shtatynan kelgen Qyryldaýyq Potter esimdi jarǵanat boldy.
