O basta synaqqa 54 úmitker qatysypty. Olardyń barlyǵy – deneshynyqtyrý normatıvterin tapsyryp, psıhologııalyq, teorııalyq testileýden, sondaı-aq medısınalyq tekserýden ótkender. Áskerı emtıhan barysynda arnaıy jasaq qandaı amaldar jasady? Aldymen marsh júgirip, gaztumyldyryq kıdi, zalaldy aýmaqpen 400 metr júrip ótti, shartty nysanǵa jasyryn jyljyp bardy, jaralylardyń qanyn qalaı toqtatýdyń ádisterin qoldandy, sosyn jaraqattanǵandardy evakýasııalaý boıynsha ereje-talaptardy iske asyrdy. Qarsylaspen atys júrgizip jatqanda oq-dárilerdi jetkizý, taýly, sýly jerlermen júrip ótý kúrdeli is boldy. Buǵan qosa áskerı qyzmetshiler atys qarýyn qoldanýda sheberligin kórsetip, qoıan-qoltyq tóbeleste kúshtiligin baıqatty. О́z kezeginde erekshe kózge túsken jaýyngerlerdi Arnaıy operasııalar kúshteriniń qolbasshysy polkovnık Aıdos Myrzahmetov aıryqsha quttyqtady.
– Bul – Qazaqstan Qarýly kúshteri tarıhyndaǵy alǵashqy biliktilik synaǵy. Sender myqty erik-jigerdi, shydamdylyqty jáne tózimdilikti kórsete otyryp, osyndaı kúrdeli jolmen synnan óttińder. Kúreń qyzyl beret kııý quqyǵyna laıyq bolý kerek. Búgin asa kúrdeli tapsyrmalardy oryndap, kez kelgen jaǵdaıda áreket ete otyryp, alǵa qoıǵan maqsattarǵa qol jetkizýge bolatynyn dáleldedińder, – dedi ol.
Jospar boıynsha endi mundaı synaq jyl saıyn ótkiziledi. Sondaı-aq bul asa kúrdeli mindetterdi oryndaý úshin Arnaıy operasııalar kúshteriniń kásibı daıarlanǵan áskerı qyzmetshileriniń rezervin qurýǵa múmkindik beredi.
