Foto: bilim-all.kz
Qaraqat Ábden Úkimet basshysy Oljas Bektenovke qarata qoıǵan saýalynda eldegi genderlik teńdik saıasaty jıi aıtylǵanmen, táýelsizdik alǵaly beri saıası qyzmetterdi atqarǵan áıelderdiń úlesi eshqashan 15 paıyzdan aspaǵanyna nazar aýdardy.
IPU Parline reıtıngin alǵa tartqan depýtattyń dereginshe, Qazaqstan áıelderdiń saıasattaǵy ókildigi boıynsha 183 eldiń ishinde nebári 124-orynǵa turaqtaǵan.
2023 jyly memlekettik qyzmetshiler arasynda áıelderdiń úlesi 55,7% bolsa, olardyń arasynda basshylyq qyzmettegilerdiń úlesi- 20,3% quraǵan.
Qaraqat Ábden bul turǵyda kórshiles О́zbekstandaǵy zań shyǵarýshy organdarda qyzmet atqaratyn áıelderdiń úlesi 38 paıyzdy quraǵanyn atap ótti.
Ol oblystardaǵy basqarmalardyń basshylary tolyqtaı er adamdar ekenin tilge tıek etip, áıelder negizinen «jumysshy attardaı» kúrdeli isterdi atqaryp júrgenine erekshe nazar aýdardy.
Ol saýalyn qorytyndylaı kele elimizdegi áıelderdiń jumys isteý ýaqytyn qysqartýdy usyndy.
«Skandınavııa elderiniń tájirıbesine nazar aýdara otyryp, áıelder úshin qysqartylǵan jumys ýaqytyn engizýdi qarastyrý kerek. Bul jumys isteıtin áıelderdiń bala tárbıesine kóbirek kóńil bólýine múmkindik beredi. Sondaı-aq, bala kútimine baılanysty aqyly demalysty eki jylǵa deıin uzartýdy usynamyn», dedi Qaraqat Ábden.
