Sondaı-aq Qazaqstan temir joly men «Alstom Transport» arasynda 6 osti elektrovozdar boıynsha strategııalyq yntymaqtastyq týraly kelisimge qol qoıyldy.
Memleket basshylary Qasym-Jomart Toqaev pen Emmanıýel Makronnyń qatysýymen 5 qarashada «Samuryq-Qazyna» jáne QTJ kelisimderin qosa alǵanda, barlyǵy bes qujatqa qol qoıyldy.
Bir kún buryn qordyń basqarma tóraǵasy Nurlan Jaqypov fransýz kompanııalary top-menedjmentimen kezdesti.
Aǵymdaǵy jobalar boıynsha mártebeni «Samuryq-Qazyna» basshysy «Orano S. A.» fransııa atom ónerkásibiniń kóshbasshysymen talqylady. Fransýz kompanııasy «Qazatomónerkásippen» ýrandy birlesip óndirý jáne qaıta óńdeý, sondaı-aq ǵylymı-tehnıkalyq qyzmet máseleleri boıynsha yntymaqtasady.
Sondaı-aq Nurlan Jaqypov «Societe Generale» fransýz konglomeratynyń top-menedjeri Ilıa Polıakovpen kezdesti. Taraptar yntymaqtastyq máselelerin talqylady.
Qazaqstan-fransýz iskerlik keńesi sheńberinde «Samuryq-Qazynamen» yntymaqtastyqtyń artyqshylyqtary týraly «Samuryq-Qazyna» AQ basqarýshy dırektory Saltanat Sátjan aıtyp berdi.
«Samuryq-Qazyna» – Fransııadaǵy «Total Energies», «Orano S. A.», «Societe Generale», «EDF» sııaqty iri kompanııalardyń seriktesi.
Sonymen qatar «Samuryq-Qazyna» Qazaqstan–Fransııa iskerlik keńesinde bes qujatqa qol qoıyldy, atap aıtqanda:
- QTJ jáne «Societe Generale» arasyndaǵy «Alstom» elektrovozdaryn satyp alýdy qarjylandyrýdyń negizgi sharttary týraly kelisim;
- QTJ-Júk tasymaly jáne «EQZ» JShS «Alstom» tarapymen Qazaqstanǵa 2028 jylǵa deıin 117 lokomotıv jetkizetin qosymsha kelisimi;
- KEGOC jáne ASSYSTEM Qazaqstannyń ulttyq elektr jelisiniń ornyqtylyǵy men tıimdiligin arttyrýda yntymaqtastyq jáne járdem kórsetý kelisimi;
- «QazMunaıGaz» jáne «Axens» Qazaqstanda SAF óndirisi boıynsha jobalardy iske asyrý múmkindigine zerdeleý kelisimi;
- «Qazatomónerkásip» jáne «Orano S. A.» arasyndaǵy bilim berý salasyndaǵy ózara túsinistik jáne yntymaqtastyq týraly memorandým.
Aldabergen KEMPIRBAI
