El erligi ulyqtalady

Keshe «Nur Otan» partııasy Tóraǵasynyń birinshi orynbasary Baýyrjan Baıbektiń tóraǵalyǵymen Jeńistiń 70 jyldyǵyn merekeleý máselesine arnalǵan selektorlyq keńes ótti. Bul sharaǵa birqatar mınıstrlik pen vedomstvolardyń, úkimettik emes uıymdardyń ókilderi, Parlament depýtattary, sondaı-aq, óńirlerdegi partııa fılıaldarynyń basshylary qatysty. Jıynda sóz alǵan partııa Tóraǵasynyń bi­rinshi orynbasary tutas el bolyp qarsy alatyn merekege tup-týra 100 kún qalǵanyn, demek, bul ataýly kúndi joǵary deń­geıde atap ótýge kúsh salý qajettigin jetkizdi. Sebebi, jyl emes, kún ótken saıyn qatarlary sı­rep bara jatqan soǵys ardagerleri qan­daı qurmetke bolsyn laıyq. Elbasy, «Nur Otan» partııasynyń Tór­a­ǵasy N.Nazarbaev aıt­qan­daı, birde-bir arda­ger memleket nazary­nan tys qalmaýy tıis. Aǵa urpaqtyń eńbe­gi men erligin baǵalaý­dy udaıy nazarda ustaı­tyn Elbasynyń tap­syr­­masy­men memleket árdaıym ardagerler­ge qoldaý kórsetip keledi. Táýelsizdik alǵannan bergi aralyqta soǵys ar­da­ger­leri men tyl eńbek­keleri baspanamen qamtamasyz etildi. Jyl saıynǵy bir ret­tik materıaldyq kómek­ten bólek, olarǵa kom­mý­nal­dyq, medısınalyq qyz­met kórsetýde kúndelikti jumystar, jol júrýde kóp­tegen jeńildik jasalyp otyr. Mereıtoıdyń tek mamyrda ǵana emes, tutas jyl boıy ata­lyp ótetinin eskere kelip, ja­ńa jyl qarsańynda Mem­leket bas­shy­synyń tap­syrmasymen soǵys ardagerlerin qoldaýǵa arnalǵan jal­pyulttyq aksııa bastaldy. Jeńistiń 70 jyldyǵyn laıyq­ty ótkizýge daıyndyq má­se­lesi Memlekettik hatshy­nyń qaty­sý­ymen birneshe jıynda tal­qy­lanyp, el Úkimeti merekeni atap ótý jónindegi is-sharalar jos­paryn bekitti, dedi B.Baıbek óz só­zinde. Partııa Tóraǵasynyń birinshi orynbasary, sondaı-aq, «Nur Otan» bul baǵytta birqatar ıgi­lik­ti sharany atqaryp jatqanyn tilge tıek etti. Bul sharalar «Ar­­da­gerlerdi ardaqtaıyq» joba­sy aıasynda júıeli túrde júze­ge asyrylýda. Atalǵan par­tııalyq joba aıasynda 2014 jyly elimizdegi 5 myńnan astam ardagerdiń turmys jaǵdaıy jan-jaqty zerttelip, olarǵa qa­tysty 10 myńnan astam kókeı­kesti máseleniń 9 myńǵa jýyǵy óz sheshimin tapty. 531 Keńes Odaǵynyń Batyry men 124 «Dańq» ordeniniń tolyq ıegerleri týraly málimetter qalpyna keltirildi. Biz ótken jyldan bastap, aımaqtarmen birlese otyryp, osy málimetter bazasyn quryp jatyrmyz. 600-den astam adam kirgen, ıaǵnı Uly Otan soǵysynyń batyrlary men «Dańq» ordeniniń tolyq ıegerleri týraly málimetterdiń tolyq bazasyn qurý boıynsha júıeli jumystar júrgizildi. Onda buryn-sońdy qoǵamǵa belgisiz bolǵan qazaqstandyqtardyń da esimderi bar. Bul – úlken jumys. Biz buǵan qosa, aǵa urpaqtyń qaıtalanbas erligin ulyqtaýǵa arnalǵan kóptegen shara iske asyrylyp, olar jastarǵa etene tanys áleýmettik jelilerde, ǵalamtorda keńinen nasıhattalýda. Túptep kelgende, atqarylar jumystyń máni – taǵzymdy tálimge ulastyryp, Elbasy saıasatynyń, Táýelsizdiktiń arqasynda soǵys kórmegen baqytty urpaqty eldegi beıbit ómirdi, kelisim men birlikti kózdiń qarashyǵyndaı saqtaýǵa, eliniń amandyǵy men memleketiniń táýelsizdigi úshin sapqa turýǵa qashanda daıar bolýǵa tárbıeleý, dedi  Baýyrjan Qadyrǵalıuly. Osylaı deı kele, ol Jeńistiń 70 jyldyǵy aıasynda at­qarylatyn is-sharalar sho­ǵyryna toqtalyp ótti. Máselen, qańtardyń 29-ynan bastap, «Astana» telearnasynda maıdangerler týraly «Qazaqstandyq qaharmandar» atty 100 beınerolık kórsetile bastaıdy eken. Ár rolık kúnine 10 márte kórsetilip, maıdangerlerdiń erligin pash etedi. Telekórermender halyqqa belgili Baýyrjan Momyshuly, Talǵat Bıgeldınov, Álııa Mol­daǵulova, Mánshúk Mámetova syn­dy batyrlardyń ǵana emes, jurt bile bermeıtin Keńes Oda­ǵy batyrlarynyń ómiri men erligi týraly da qyzyqty derek­termen tanysa alady. Ekinshi­den, qazaqstandyq Keńes Odaǵy­nyń batyrlaryna arnap, qazaq jáne orys tilderinde 70 fılm túsirý jumystary bel­sendi júrgizilip jatqan kó­rinedi. Úshinshiden, Jeńis kúnine oraı, «Qazaqstandyqtar ekinshi dúnıejúzilik soǵys jyldarynda: 100 jańa derek» jobasy iske qosylmaq. Tórtinshiden, Otan qorǵaýshy kúnine oraı, qazaqstandyq Keńes Odaǵynyń batyrlary, «Dańq» ordeniniń tolyq ıegerleri men Halyq qaharmandary týraly kitaptyń tanystyrylymy bolady. Mundaı sıpattaǵy jı­naq 1968-1969 jyldary ja­ryq kóripti. Besinshiden, Jeńis kúni qarsańynda qaharman qa­zaqstandyqtar taqyrybyna arnalǵan «KAHARMAN.KZ» saıty iske qosylmaq kórinedi. Bul saıtta muraǵattyq qu­jat­­tardyń kóshirmeleri, qa­zaq­standyq batyrlar týraly aqpa­rattar, soǵys jyldarynyń jyl­­na­masy, fotogalereıa, beınero­lıkter, ardagerler týraly ma­qalalar jarııalanbaq eken. Búgingi kúni 850 myń azamatty jáne 5600 bastaýysh partııa uıymyn biriktirip otyrǵan «Nur Otan» partııasynyń ár ardagerge nemese tyl eńbekkerine tıisti deńgeıde qoldaý kórsetetindeı áleýeti bar. Máselen, 2014 jyly partııanyń qoǵamdyq qabyl­daýlaryna 505 soǵys ardagerinen ótinish kelip túsipti. Sol jyly «Ardagerlerdi ardaqtaıyq» partııalyq jobasynyń sheń­berinde 5 myń 427 ardagerdiń ómir súrý, turmys jaǵdaıyn zertteý nátıjesinde 10,8 myń ózekti másele anyqtalǵan. Olardyń 24,5 paıyzy turǵyn úıge, 56,2 paıyzy densaýlyqqa, 19,2 paıyzy turmystyq máselelerge qatysty bolǵan kórinedi. Buǵan qosa, soǵys órtinen aman qalǵan qarttardyń 21,4 paıyzy (1 myń 163 adam) turǵyn úılerine jeńil-jelpi jóndeý jumystaryn júrgizý, 11,7 paıyzy (634 adam) baspana­laryn keńeıtý, 8,7 paıyzy (472) turǵyn úılerine kúrdeli jóndeý jumystaryn júrgizý, 4,6 paıyzy (248 adam) baspana berý týraly ótinish aıtypty. Al búginde ardagerlerdiń 1,4 paıyzy (77 adam) memlekettik baǵdarlama boıynsha baspana alý kezeginde tursa, olardyń 1,2 paıyzynyń (67 adam) páterleri qaýipti jaǵdaıda turǵan kórinedi. Budan bólek, partııanyń qoǵamdyq qabyldaýlaryna kelip túsken ótinishterdiń kóbisi áleýmettik jáne medısınalyq qamtamasyz etý máselesine baılanysty eken. Jıyn sońynda partııa Tóra­ǵasy­nyń birinshi orynbasary B.Baı­bek Jeńistiń 70 jyldyǵyn mere­ke­leýge jáne maıdanger qart­tarǵa kómek kórsetý maq­sa­tynda bólingen barlyq qarajat shashaý shyqpaı, óz maqsatyna ıgerilýi qajettigin aıtty. Láıla EDILQYZY, «Egemen Qazaqstan».