Foto: Joǵarǵy Sot
2024 jyldyń qazan aıynda Býenos-Aıres Ulttyq ýnıversıtetiniń professory, Gaagadaǵy (Nıderlandy) Sot tóreligi salasyndaǵy halyqaralyq ınstıtýttyń (IIJE) dırektory, doktor L.Palma Astanaǵa kelgen bolatyn. Elimizdegi sýdıalardyń bas forýmynda sóılegen sózinde ol Qazaqstannyń sot reformalaryna joǵary baǵa berip, Qazaqstan sottarynyń basqa elderge úlgi bolatyn jańarýlarynyń progressıvti sıpatyn atap ótti.
Baıandamada kelesi negizgi máselelerge nazar aýdarylady:
1. Qazaqstanda sot bıligin saıası yqpaldan bosatyp, sottardy qarjylandyrýdyń biregeı derbes júıesi engizildi;
2. Ákimshilik jáne sot fýnksııalaryn ajyratatyn derbes sot ákimshiliginiń modeli quryldy;
3. Ákimshilik rásimdik-prosestik kodeksi (ARPK) jáne mamandandyrylǵan sottar engizildi, bul halyqaralyq ınvestorlardy tartady;
4. IT-sheshimderi sot prosesterin sıfrlandyrý, olardy ashyq ári qoljetimdi etý úshin keńinen qoldanylady;
5. Qazaqstan sot tóreliginiń qoljetimdiligi men ashyqtyǵyna negizdelgen «bolashaq sotyn» qurý tásilin kórsete otyryp, halyqaralyq deńgeıde mańyzdy ról atqarady.
IACA prezıdenti qysqa merzim ishinde sıfrlandyrý, oqytý, basqarý, ınfraqurylym jáne yntymaqtastyq salasyndaǵy ózgeristerdi atap ótken.
Eske sala ketsek, Qazaqstan basshysy Q.Toqaev Astanaǵa sapary aıasynda L.Palmany qabyldady.
Aıta ketsek, IACA-nyń negizi 2004 jyly Lıýblıana qalasynda (Slovenııa, keńsesi - Vırdjınııada, AQSh) qalanǵan, 100-den astam eldiń sarapshylaryn biriktiredi, sonyń ishinde AQSh, Qytaı, Kanada, Japonııa, Germanııa, Fransııa, t.b.
IACA-ǵa múshe bolý (Qazaqstan 2015 jyldan bastap IACA múshesi bolyp sanalady) sot ákimshiligin uıymdastyrýdaǵy ozyq tásilder boıynsha turaqty tájirıbe almasýǵa qatysýǵa múmkindik beredi.
QR Sot ákimshiliginiń basshysy Naıl Ahmetzakırov IACA vıse-prezıdenti bolyp tabylady.
IACA Prezıdenti sóziniń tolyq mátinin oqý úshin silteme boıynsha ótińiz: https://www.iaca.ws/previous-news-updates
