foto: Sý resýrstary jáne ırrıgasııa mınıstrligi
Nátıjesinde kóldiń ortasha sý deńgeıi Baltyq júıesi boıynsha 341,60 m jetti.
Vedomstvonyń habarlaýynsha, Balqash kóliniń 70%-ǵa jýyq sýy transshekaralyq Ile ózeni arqyly qalyptasady. Bıyl Qytaımen shekara mańyndaǵy Dobyn gıdrobeketi boıynsha ortasha sý aǵyny sekýndyna 384 tekshe metr boldy. Bul ótken jylǵy kórsetkishten 17%-ǵa artyq.
Mınıstrlik Qazaqstan men Qytaı arasyndaǵy transshekaralyq ózenderdi bólý týraly úkimetaralyq kelisimniń jobasyn ázirlep jatqanyn atap ótti. Kelisimniń negizgi maqsaty – Balqash kólin ońtaıly deńgeıde ustaýǵa múmkindik beretin sý kólemin jetkizýdi qamtamasyz etý.
«Biz Qytaı, Reseı jáne Ortalyq Azııa elderimen transshekaralyq ózender boıynsha 28 kezdesý ótkizdik. Kelissózder nátıjesinde bıyl Qapshaǵaı sý qoımasyna sońǵy 10 jylda alǵash ret 18 mıllıard tekshe metrden astam sý jınalyp, 100 paıyzǵa toltyryldy», dedi Sý resýrstary jáne ırrıgasııa mınıstri Nurjan Nurjigitov.
