«Eń mańyzdy máselelerdiń biri – otandyq taýar óndirýshilerdiń shynaıylyǵyn tekserý. Bárimiz «jalǵan taýar óndirýshiler» týraly bilemiz. Olar memlekettik qoldaýdyń tolyq keshenine qol jetkizedi. Otandyq óndiriske eshqandaı úles qospaı, tek ımporttalǵan taýarǵa «Qazaqstanda jasalǵan» tańbasyn basý arqyly ǵana jeńildetilgen jolmen memlekettik satyp alýlarǵa qatysady. Mine, sondyqtan biz qazir «Otandyq taýarlardyń jáne taýar óndirýshilerdiń biryńǵaı ashyq reestrin» ázirlep jatyrmyz», dedi Úkimet basshysy.
Oljas Bektenov adamı faktorlar men jemqorlyq qaýpinen qorǵaný, kompanııalardyń qyzmetine barynsha ashyq taldaý jasaý jáne shyn máninde taýar óndiretin kompanııalardy anyqtaý úshin bul salada sıfrlandyrý barynsha keń qoldanylyp jatqanyn atap ótti.
