«Keıingi kezderi jastar arasyndaǵy quqyq buzýshylyqtyń kóbeıýi baıqalady. Zorlyq-zombylyq, vandalızm, buzaqylyq faktileri, balalarǵa qatysty qylmystardyń artýy alańdatady. Men prokýratýra qyzmetkeri retinde kún saıyn osyndaı isterge kýá bolamyn. Bul bizge moraldyq-psıhologııalyq turǵydan óte aýyr. Bir jaǵynan ana retinde aıaǵyn shalys basqan jastardyń bolashaǵyn ýaıymdaımyz, ekinshi jaǵynan zańger retinde janyń aýyrady. Qalaı desek te, zańdy sheshim shyǵaryp, jastardy týra jolǵa salýǵa tyrysamyz», dedi A. Aımaǵanova.
Sondaı-aq ol «Tártipti ózińnen basta!» qoǵamdyq aksııasyn bastaýǵa shaqyrdy.
«Aksııanyń basty maqsaty – jastar arasynda quqyqtyq mádenıetti qalyptastyrýǵa úndeý, quqyq buzýshylyqtar men tártipsizdiktiń aldyn alý, qoǵamda zań men tártip ústemdigin nasıhattaý. Osy arqyly jastardy quqyqbuzýshylyq keselderden aýlaq bolýǵa tárbıeleımiz. «Tártipke baǵynǵan qul bolmaıdy, tártipsiz el bolmaıdy» degen dańqty qolbasshy Baýyrjan Momyshuly. Sóz sońynda zań men tártipti basty qundylyq retinde ustanyp, memleketimizde ádilettilik pen turaqtylyqty bıik qoıýǵa ár azamat, ár otbasy óz úlesin qosýǵa mindetti ekenin atap ótkim keledi», dedi prokýror.
