Sýretti túsirgen – Jeńis Ysqabaı
О́ńirdi jańa mekteppen qamtý jumysy qarqyndy júrip jatyr. Ásirese aýyldarda eski mektepter kúrdeli jóndeýden ótip, jóndeýge kelmeıtin keıbir nysandardyń ornyna jańa bilim ordalary boı kóterýde. О́ńir ákiminiń baspasóz qyzmetiniń málimetinshe, bıyl oblysta bes mekteptiń qurylysy júrgen. Buǵan deıin osy oqý jylynda Kóksý aýdany Qaratal aýlynda 120 oryndyq mektep iske qosylǵan bolsa, jyl sońyna deıin Aqsý aýdanyna qarasty Kóshkental aýlynda 180 oryndyq jańa mektep ashylady. Al qalǵan 2 mektep, ıaǵnı Alakól aýdany Dostyq aýlyndaǵy 600 oryndyq, Panfılov aýdany Taldy aýlyndaǵy 300 oryndyq mektepter 2025 jylǵy jańa oqý jylynda iske qosylady dep josparlanǵan.
Jarkenttegi mekteptiń ashylý saltanatyna oblys ákiminiń orynbasary Dıas Esdáýletov, ardager ustazdar, mektep ujymy, ata-analar men oqýshylar, aýdan jurtshylyǵy qatysty.
«Bul – Prezıdent tapsyrmasymen «Jaıly mektep» ulttyq jobasy aıasynda salynǵan oblysymyzdaǵy alǵashqy bilim oshaǵy. Panfılov aýdany – oblystaǵy oqýshy sany kóp óńirdiń biri. Jańadan paıdalanýǵa berilip otyrǵan bul mektepke Jarkent qalasynyń bala sany kóp 9 mektebinen 1100 jýyq bala qabyldanyp otyr. Osyndaı zamanýı mektepte bilimmen sýsyndaıtyn oqýshylar oblysymyzdan top jaryp shyǵatynyna senimim zor. Mektep ustazdaryna elimizdiń bolashaq bilimdi, eńbekqor patrıottaryn tárbıeleý jolynda sáttilik tileımin!», dedi D.Esdáýletov.
Munan soń mekteptiń lentasy qıylyp, jınalǵan kópshilik jańa ǵımarattyń ishin aralap kórdi.
Jalpy, mektep zamanaýı talapqa saı jabdyqtalǵan. Munda 64 kabınet bolsa, onyń 6-aýy jańa modıfıkasııalyq kabınet, sonyń ishinde hımııa, fızıka, bıologııa, robottehnıka, Steam kabınetteri, nano tehnologııa t.b. bar. Barlyq pán kabınetteri qajetti ádistemelik, tehnıkalyq quraldarmen jabyqtalǵan. Sonymen qatar aǵash, metall, tigin jáne basqa da sheberhanalar qarastyrylǵan. Akt zaly, 2 oqý zaly bar kitaphana, 230 oryndy ashana, 2 sport zaly, 1 bı zaly oqýshylardyń ıgiligine qyzmet etedi. Oǵan qosa oqýshylardyń oqý quraldaryna, kıimge arnalǵan jeke shkaftar, sondaı-aq kitap oqýǵa, balalardyń shyǵarmashylyq damýy men demalýyna kovorkıng aımaqtar qarastyrylǵan.
Jańa da jaıly mekteptiń ashylǵanyna ata-analar da qýanyshty.
«Bizdiń Jarkent qalasyna osyndaı jaıly mektep salyp bergenderińiz úshin barsha ata-ananyń atynan alǵys aıtamyz. Meniń qyzym qazir 11-synypta oqıdy. Balalardyń UBT-ǵa, emtıhandarǵa sapaly daıyndalýyna munda barlyq múmkindik jasalǵan, oqý zaldary bar kitaphanasy, materıaldyq bazasy myqty pán kabınetteri – bári de oqýshylardyń sapaly bilim alýyna óziniń úlken yqpalyn tıgizedi dep oılaımyn», deıdi ata-analar komıtetiniń tóraǵasy Aıdar Bektemiruly.
Mektep dırektorynyń mindetin atqarýshy Aıgúl Darýbaevanyń aıtýynsha, qazirgi kezde mektepte 46 jıyntyq klass ashylǵan. Jarkent qalasyndaǵy bala sany kóp toǵyz mektepten synyptar jetekshilerimen birge aýysyp kelgen. Búgingi kúni pedagogter úshin 30 bos oryn, tehnıkalyq qyzmetkerlerge 20 orynǵa konkýrs jarııalanyp, jumysqa qabyldaný ústinde.
«Mekteptegi fızıka, hımııa, bıologııa jáne robottehnıka pánderi boıynsha zamanaýı kabınetterde touch-ekrandar ornatylyp, mekteptiń kez kelgen jerinen jyldamdyǵy joǵary ınternetke qosylý múmkindigi beriledi. Erekshe bilim alýdy qajet etetin balalarǵa tıisti jaǵdaılar jasalǵan. Bastaýysh jáne joǵary synyp oqýshylary mektepte bólek bloktarda oqıdy. Ǵımaratta balalar úshin beınebaqylaý, dybystyq habarlaý jáne basqa da kúsheıtilgen qaýipsizdik sharalaryna arnalǵan jabdyqtar ornatylǵan», deıdi A.Darýbaeva.
Aıta keteıik, búginde oblysta mektepke deıingi, orta, tehnıkalyq jáne kásiptik bilim berý salasynda 21 myńnan asa pedagog jumys isteıdi. Sonyń ishinde aýyldarda 3600-den asa jas maman qyzmet etedi, onyń 107-i – bıylǵy oqý jylynda jumysqa ornalasqan jastar. Aýyldaǵy jas ustazdardy baspanamen qamtý máselesi oń sheshimin taýyp keledi. «Dıplommen – aýylǵa!» baǵdarlamasy boıynsha oblysta 1600-ge jýyq pedagogke turǵyn úı satyp alýǵa paıyzsyz nesıe berilse, 2900-den astam muǵalimge kóterme járdemaqy tólendi. Jaıly mektepke de jaqsy mamannyń keleri daýsyz. Sol sebepti óńirdegi kadr tapshylyǵyn sheshý úshin arnaıy granttar bólinip jatyr.
«Árıne, maman tapshylyǵy respýblıka kóleminde aýqymdy másele. Bizdiń óńirde oblysta toqsannan astam muǵalim jetispeıdi. Ár jyl saıyn jergilikti bıýdjetten qarajat bólinip, grant taǵaıyndalyp, onyń 40 paıyzyn pedagogıkalyq mamandyqtarǵa bólip otyrmyz. Soǵan qaramastan, mamandar tapshylyǵy ózekti bolyp otyr. Onyń basty sebebi: osy salada oqyǵan árbir besinshi túlek óz mamandyǵy boıynsha jumys istemeıdi nemese tek oblys ortalyǵynda jumys istegisi keledi», deıdi oblystyq bilim basqaramasynyń basshysy Marat Súleımenov.
Keler jyly Jetisý jerinde taǵy da ondaǵan mekteptiń qurylysy bastalady.
