Bıznestiń ınvestısııalyq múmkindigi keńeıedi

Forýmǵa barlyq óńirden 450-den asa ShOB ókili qatys­ty. Mıkro, shaǵyn jáne orta kásipkerlikti damytýǵa, eli­shilik qun úlesin arttyrýǵa, qyz­met­terdi sıfrlandyrý ar­qyly ákimshilik rásimderdi jeńil­detýge, ınvestısııalyq jobalardy iske asyrýǵa, eksporttyq áleýetti keńeıtýge jáne basqa da máselelerge nazar aýdaryldy.

Oljas Bektenov Memleket basshysy «Ádiletti Qazaqstan: zań men tártip, ekonomıkalyq ósim, qoǵamdyq optımızm» atty Joldaýynda qoıylǵan mindet­terdi iske asyrý sheńberin­de Úkimet iskerlik belsendilikti arttyrý jáne bıznesti júr­gizý úshin qolaıly jaǵdaı jasaý jóninde keshendi jumys júrgizip jatqanyn atap ótti. Máselen, ótken jyldan bastap engizilgen «taza paraqtan» retteý qaǵıdatyna sáıkes, bıznes­ke qoıylatyn jańa retteýshi saıasattyń bazalyq sharttaryna saı kelmeıtin 10 myńnan asa talap joıyldy.  Shaǵyn jáne orta kásipkerliktiń basym salalaryn qoldaý maqsatynda qarjylyq sharalar iske asyrylyp keledi. Ekinshi deńgeıli bankter nesıesin sýbsıdııalaý jáne ishinara kepildik berý aıasynda qoldaý sharalary 2019 jyldan beri 5 ese ósip, 150 myńnan asa jobany qurady. Tólengen sýbsıdııa kólemi 8 ese artty.

Tutastaı alǵanda, qabyl­da­nyp jatqan keshendi shara­lardyń nátıjesinde el ekono­mıkasyndaǵy ShOB úlesi 37%-ǵa deıin ósti. Búgingi tańda bıznes salasynda 4 mln-nan asa azamat jumys isteıdi. О́tken jarty jylda shaǵyn jáne orta kásip­kerlik sýbektileri 34 trln teń­geniń ónimin óndirdi. О́sim ótken jyldyń sáıkes kezeńimen salys­tyrǵanda shamamen 20%-dy qurady.

«Prezıdent otandyq bızneske jáne ınvestorlarǵa jol ashý – Úkimet pen barlyq memlekettik organnyń mindeti ekenin naqty aıtty. Bizdiń maqsatymyz – bıznes ózin nyq sezinetin, sondaı-aq óz ıdeıalaryn júzege asyrýǵa, óndiristerin keńeıtýge jáne bolashaqqa ınvestısııa salýǵa múmkindik beretin ekonomıka qurý. Bul rette ár kásipkerdiń mem­lekettik organdarmen arada­ǵy ózara is-qımyldyń ashyq­tyǵyna jáne jedeldigine senim artýy mańyzdy. Biz jahan­dyq syn-qaterler men jedel teh­­nologııalyq progress jaǵ­da­ıynda kásipkerlerdi qoldaý tetikterin damytyp qana qoı­maı, ekonomıkamyzdy belsendi túr­de ártaraptandyrýymyz qa­jet ekenin túsinemiz. Bul oraıda bız­nestiń róli ólsheýsiz», dep atap ótti Oljas Bektenov.

Memlekettik qoldaý shara­lary­nyń tıimdiligin agroóner­kásip kesheni salasynan aıqyn baıqaýǵa bolatyny aıtyldy. Bıyl kóktemgi egis jáne egin jınaý jumystaryna jeńildikpen nesıe berý 2,5 ese artyp, 580 mlrd teńgeni qurady. Bul aýyl sharýashylyǵy daqyldarynyń barlyq túri boıynsha joǵary ónim alýǵa múmkindik berdi. Premer-mınıstr ShOB salasyndaǵy osyndaı kórsetkishterge qol jetkizý keleshegin atap kórsetti. Bul rette memlekettik qoldaý bıznes­tiń qarsy mindettemelerin de bildiredi, ıaǵnı ishki naryqty sapaly ári qymbat emes ónimdermen qamtamasyz etý, qaıta óńdeý kólemin arttyrý, turaqty jumys oryndaryn qurý jáne eksportty ulǵaıta otyryp, óndiristi birtindep irilendirý máselelerine kóńil bólinýge tıis.

Iri bıznes tóńiregindegi ShOB bel­deýin damytýdyń eleýli áleýeti belgilendi. Iri kásiporyn­dar jergilikti kompanııalarmen uzaq­mer­zimdi kelisimsharttar jasasýy kerek. Bul memlekettik qoldaý­ǵa ıe bolýdyń mindetti shartyna aınalady. Barlyq damý ınstıtýt­taryna tıisti tapsyrmalar berildi.

Úkimet bıyl otandyq taýar óndirýshilerdi basym tártippen qoldaý boıynsha birqatar sheshim qabyldady. Búgingi tańda otandyq taýar óndirýshilerden memlekettik satyp alýlarda basym tártippen satyp alynatyn taýarlar tizbesi 3 eseden astamǵa keńeıtildi. Búgingi tańda bul – 4,5 myń taýar. Jasalǵan sharttardyń somasy 31%-ǵa ulǵaıtylyp, 167 mlrd teńgeni qurady. Sondaı-aq iri tapsyrys berýshilerdiń («Samuryq-Qazyna» qory, jer qoınaýyn paıdalanýshylar) satyp alý rásimderine ózgerister engizildi: bıyl otandyq taýar óndirýshilermen 470 mlrd teńgege 100-den asa uzaqmerzimdi shart jáne 134 mlrd teńgege 260-tan asa ofteık-kelisimshart jasaldy, bul ótken jyldyń sáıkes kezeńimen salystyrǵanda 14 ese kóp.

Prezıdent jarııalaǵan ju­mys­­shy mamandyqtary jyly aıa­syn­da adamı kapıtaldy damy­tý, ǵy­lym men óndiristi ıntegra­sııa­laý máselelerine erekshe nazar aýdaryldy. O.Bektenov bıznesti kadrlyq áleýetti arttyrý, stýdentter úshin tıimdi táji­rıbe bazasyn usyný jáne jumys oryndaryn kvotalaý arqyly túlekterdi jumysqa ornalastyrý úshin kúsh salýǵa shaqyrdy.

Forým barysynda «Atameken» UKP Tóralqa tór­aǵasy Raıymbek Batalov elimiz­de shaǵyn jáne orta bıznes ekojúıesiniń damýy týraly habarlady. Áleýmettik kásipker Jańagúl Japarova shıkizattan bastap daıyn ónimge deıingi barlyq tizbekti óndirý arqy­ly aýyldy damytýǵa baǵyt­tal­ǵan «Bir aýyl – bir ónim» jobasyna qatysý týraly áńgimeledi. «Qazelektromash» JShS jáne «Kýbleı» JShS basshylary Vıtalıı Raspopın men Záýre Bere­kesheva klasterlik tásil arqy­ly joǵary deńgeıde qaıta óńdeýdi ıgerý jáne etti qaıta óńdeý­di damytý boıynsha táji­rı­belerin bólisti.

Forým aıasynda Premer-mınıstr shyǵarylatyn otandyq taýarlar jelisimen tanysty. Toqyma ónerkásibi jetistigin kórsete otyryp, Úkimet basshysyna maqta ósirý, jip jáne mata óndirý, sondaı-aq el ishinde de, shetelde de suranysqa ıe daıyn ónim shyǵarýmen aınalysatyn birqatar kásiporyn tanystyryldy. Bul turǵy­da O.Bektenov óńirlik baǵyt­ty eskere otyryp, klasterler qurý qaǵıdatyna sáıkes jo­ba­­­lardy qoldaý boıynsha jańa tásildiń mańyzdylyǵyna toq­­tal­­dy. Bıznespen birlesip, ShOB damýyna qosymsha serpin bere­tin máseleler talqylan­dy. Premer-mınıstr salalyq mı­nıstr­likter men uıymdarǵa birqatar tapsyrma berdi.