Foto: baigenews.kz
Qaraǵandy oblysynyń polısııa departamentiniń málimetinshe, 10 qarashada Balqash-Saryshaǵan tas jolynda patrýldik polısııa 31 jastaǵy azamattyń basqarýyndaǵy Geely Coolray kóligin toqtatqan. Toqtaýǵa jol erejesin buzý, atap aıtqanda memlekettik nómirsiz júrýi sebep bolǵan.
«Avtokólikti tekserý kezinde bagaj bóliginde jalpy salmaǵy 12 kelige jýyq aq tústi untaq zaty bar 18 qap tabyldy. Oqıǵa ornyna jedel-tergeý toby shaqyrylyp, tyıym salynǵan zat bar degen kúdik rastaldy. Atalǵan fakti boıynsha qylmystyq is qozǵaldy. Júrgizýshi ustalyp, ýaqytsha ustaý ızolıatoryna qamaldy», dep habarlady polısııa departamenti.
Qurlyq áskerleriniń baspasóz qyzmeti Saryózek garnızony áskerı bólimderiniń biriniń demalysta júrgen áskerı qyzmetkerin Jetisý oblysy boıynsha Ulttyq qaýipsizdik departamentiniń qyzmetkerleri esirtki zattaryn tasymaldap bara jatqan jerinde ustaǵanyn rastady.
«Atalǵan fakti boıynsha qylmystyq is qozǵaldy, jedel-tergeý is-sharalary júrgizilip jatyr. Qurlyq áskerleri osy oqıǵany jan-jaqty jáne obektıvti tergeý maqsatynda quqyq qorǵaý organdaryna tolyq kómek kórsetedi. Zańnama talaptaryna sáıkes tergeý múddesi úshin ózge aqparat jarııa etilmeıdi», dep túsindirdi Qurlyq áskerleriniń baspasóz qyzmeti.
