Foto: pixabau.com
«2024 jylǵy III toqsanda Qazaqstan Respýblıkasy kóleminde aılyq jalaqynyń ortasha máni 2023 jylǵy tıisti toqsanǵa qaraǵanda 11,3%-ǵa ósip, 390 328 teńgeni qurady. Qazaqstan Respýblıkasyndaǵy jalaqynyń medıanalyq máni baǵalaý boıynsha 2024 jyldyń III toqsanynda 269 378 teńgeni qurady», delingen habarlamada.
Bıýro taratqan málimette ótken toqsanmen salystyrǵanda aılyq jalaqynyń ortasha máni 3,2%-ǵa tómendegen, naqty jalaqy ındeksi 95,3% quraǵan.
«2023 jyldyń tıisti toqsanymen salystyrǵanda ortasha aılyq jalaqynyń eń joǵary ósýi aqparat jáne baılanys ( 28,1 ese), qarjy jáne saqtandyrý qyzmeti (24,3%-ǵa), jyljymaıtyn múlikpen operasııalar ( 18,7%-ǵa), óner, oıyn-saýyq jáne demalys (18,0%-ǵa), salalarynda baıqaldy. О́nerkásipte ortasha aılyq jalaqy 13,8%-ǵa, onyń ishinde elektr energııasymen, gazben, býmen, ystyq sýmen jáne aýany kondısııalaýmen jabdyqtaý salasynda 20,6%-ǵa, sýmen jabdyqtaý, sý burý, qaldyqtardy jınaý, óńdeý jáne joıý, lastanýdy joıý boıynsha qyzmet salasynda 18,3%-ǵa ósti» delingen habarlamada.
2023 jyldyń tıisti toqsanymen salystyrǵanda ortasha aılyq jalaqynyń eń tómengi ósýi, memlekettik basqarý jáne qorǵanys, mindetti áleýmettik qamsyzdandyrý jáne qurylys salalarynda baıqalǵan. Salalyq qurylymda eń joǵary ataýly jalaqy taý-ken óndirý ónerkásibi jáne karerlerdi qazýda 2,2 ese, qarjy jáne saqtandyrý qyzmetinde 2,1 ese, kásibı, ǵylymı jáne tehnıkalyq qyzmetinde tıisinshe 1,5 ese, kólik jáne jınaqtaýda 1,4 ese joǵary bolyp tirkelgen.
