Jympıty kentiniń turǵyny, zeınetker Hamıt Halıtovty aýyldyń úlkeni de, kishisi de Átı dep ataıdy. Aqkóńil Hamaqań ózine bas tireı kelgen jandarǵa múmkindigine oraı kómektesip turady. Bul – onyń qanyna sińgen qasıetteriniń biri.
Hamıt Halıtovtyń ákesi Safaden men anasy Nurzııan osy jympıtylyq tatar áýletiniń bir otbasy boldy. Marqum ákesi óziniń eńbekqorlyǵymen dúkenshi, qoıma meńgerýshisi bolsa, anasy Nurzııan aýdandyq partııa komıtetinde hatshylyq jumysyn abyroıly atqarǵan edi. Mine, osyndaı ortada tárbıelenip, erjetken Hamıt áýelden-aq eńbekqorlyǵymen kózge tústi.
– Aıta bersek, áńgime kóp qoı. О́zim shahtada, kúzet bóliminde jumys istedim. Armııa qatarynda boldym. Búginde sol bir kezderdi qoldaǵy eski sýretterge, eńbek kitapshamdaǵy derekterge kóz júgirtip, oısha saralap otyramyn, – dedi Hamaqań sóz arasynda.
Sonaý 1950-jyldary Jympıty orta mektebin bitirgen Hamıt kóp oılanyp jatpastan Qaraǵandydaǵy arnaıy oqý ornyna qujattaryn tapsyryp, elektrshi-tehnık mamandyǵyna oqydy. Sóıtip, óziniń alǵashqy eńbek jolyn Qaraǵandy qalasyndaǵy «Lenınýgol»shahtasynda bastady. Keıin armııa qataryna alyndy. Elge oralǵan soń ol aýdandyq aýrýhana, kommýnaldyq kásiporyn, jol bólimi mekemelerinde shopyr, mehanızator bolyp istedi. Ásirese, aýdandaǵy jol bóliminde marqum B.Dúzkeev basshylyq jasaǵan tusta avtogreıdershi bolyp eńbek etken jyldaryn saǵynyshpen eske alady. Bir kezderi aýdandy basqarǵan S.Nııazov, M.Isqaqovtarmen jumys babyndaǵy túrli jınalystarda qurmetti minbe tórinen qatar oryn alýynyń ózi eńbegine kórsetilgen úlken baǵa, qurmet bolsa kerek.
Keńestik dáýirde respýblıkanyń avtokólik joldarynyń mınıstri bolǵan, KSRO Joǵarǵy Keńesiniń depýtaty Goncharovpen aýdan ortalyǵyndaǵy kezdesý jıynynda minbede birge otyryp júzdesýi, pikirlesýiniń ózi ómirdiń bir dáýreni eken ǵoı. Aýdandyq jol bóliminde eńbek etip júrgen 1972 jyly jumys ústinde qolynan jaraqat alyp, múgedektikke dýshar bolǵanda da Hamaqań eńbekten qol úzbedi.Jasy kelip zeınetkerlikke shyqqanǵa deıin H.Halıtov aýdandaǵy daıyndyq mekemesinde kúzetshi boldy. Oǵan qosa, Hamaqań gaz plıtasyn jóndeý, elektr jelilerin, quraldaryn tekserý, temir-tersekterdi jóndep, qurastyrý jumystaryn sheberlikpen jasaıtyn.
– Kórshi-kólem meni arnaıy izdep kelip, úıde otyrǵyza bermeıdi, – deıdi Hamaqań sóz arasynda. – Bireýi balta, pyshaǵyn, endi biri sháınegin jóndeýge ákeledi. Tipti, úılerine shaqyryp, túrli ishki jumystaryn jóndeýden ótkizip berýge de qolqa salady. Aı, qazaqtar-aı, ábden jumys bitken soń rıza bolǵandary shyǵar, almasyńa qoımastan, qaltańa az da bolsa eńbegiń dep aqshasyn da qystyryp jatatyndary jáne bar.
Iá, osylaısha aǵynan jarylǵan Hamaqań ózi jumys ústinde jaraqat alyp, eki aıdaı aýrýhanada jatqanynda sol kezdegi oblystaǵy jol basqarmasynyń bastyǵy Ostanın men oblystyq kásipodaq komıtetiniń basshysy Potkoldyń ortalyqtan syńǵyrlaǵan páterdi de turǵyzyp berýge basty sebepker bolǵandyǵyn yrzalyqpen aıtady.
Hamaqań aýdan kóleminde 45 jyl jemisti eńbek etse, marqum zaıyby Fatıma da jol mekemesinde 26 jyldaı jumys atqarǵan. Ol Fatımamen bir shańyraq astynda 37 jyldaı dám-tuzdary jarasyp, bes ul-qyz tárbıeledi.
Búginde jympıtylyqtardyń átıi atanyp ketken Hamıt Halıtov kenje uly Talǵattyń qolynda, kelini Samaldyń sháıin iship, nemereleri Zýhranyń, Álisherdiń bal qylyǵyn qyzyqtap otyrǵan jaıy bar. Al qyzdary Zifarzat, Bıbinur, uly Fattyń óz otbasylary bar. Olar da osy aýdan ortalyǵynda turady.
Hamaqań búginde 80 jasqa tolsa da tyń, ózin shıraq ustaıdy. Qaratóbedegi, Buldyrty aýylyndaǵy quda-qudaǵaılarymen jıi aralasyp, toı dastarqandarynda bas qosyp otyratyndary bar. Ondaıda ol tatarsha án salyp ta beredi.
Átıdiń úlken nemeresi Q.Myrzalıev atyndaǵy orta mekteptiń 6-synyp oqýshysy Zýhra aýdan ortalyǵyndaǵy «Erkenaz» bı tobynyń beldi bıshisi. Jýyrda «Erkenaz» bı toby Qazaqstan ulttyq arnasyndaǵy televızııalyq «Aıgólek» respýblıkalyq balalar baıqaýynda top jaryp, bas júldege ıe boldy. Endi Zýhra osy quramada bıylǵy jyldyń sáýir aıynda Túrkııanyń Izmır qalasynda óner kórsetetin bolady.
Nemeresiniń osyndaı bıik jetistigine qýanǵan Hamıt aqsaqal byltyrǵy jyldyń sońyna taman Elbasynyń halyqqa arnaǵan Joldaýynda elimizdiń kúretamyry sanalatyn joldy jóndeýge de basa nazar aýdarylǵandyǵyna jolshy retinde bek qýanyp otyr.
Al Hamaqańnyń esimi Almatydan basylyp shyqqan «Qurmet kitabyna» engizilgendigin biri bilse, endi biri bile bermeıdi de.
Músirbek AITAShEV.
Batys Qazaqstan oblysy,
Syrym aýdany.
Sýrette: Hamıt Halıtov kelin, bala, nemerelerimen.
– Aıta bersek, áńgime kóp qoı. О́zim shahtada, kúzet bóliminde jumys istedim. Armııa qatarynda boldym. Búginde sol bir kezderdi qoldaǵy eski sýretterge, eńbek kitapshamdaǵy derekterge kóz júgirtip, oısha saralap otyramyn, – dedi Hamaqań sóz arasynda.
Sonaý 1950-jyldary Jympıty orta mektebin bitirgen Hamıt kóp oılanyp jatpastan Qaraǵandydaǵy arnaıy oqý ornyna qujattaryn tapsyryp, elektrshi-tehnık mamandyǵyna oqydy. Sóıtip, óziniń alǵashqy eńbek jolyn Qaraǵandy qalasyndaǵy «Lenınýgol»shahtasynda bastady. Keıin armııa qataryna alyndy. Elge oralǵan soń ol aýdandyq aýrýhana, kommýnaldyq kásiporyn, jol bólimi mekemelerinde shopyr, mehanızator bolyp istedi. Ásirese, aýdandaǵy jol bóliminde marqum B.Dúzkeev basshylyq jasaǵan tusta avtogreıdershi bolyp eńbek etken jyldaryn saǵynyshpen eske alady. Bir kezderi aýdandy basqarǵan S.Nııazov, M.Isqaqovtarmen jumys babyndaǵy túrli jınalystarda qurmetti minbe tórinen qatar oryn alýynyń ózi eńbegine kórsetilgen úlken baǵa, qurmet bolsa kerek.
Keńestik dáýirde respýblıkanyń avtokólik joldarynyń mınıstri bolǵan, KSRO Joǵarǵy Keńesiniń depýtaty Goncharovpen aýdan ortalyǵyndaǵy kezdesý jıynynda minbede birge otyryp júzdesýi, pikirlesýiniń ózi ómirdiń bir dáýreni eken ǵoı. Aýdandyq jol bóliminde eńbek etip júrgen 1972 jyly jumys ústinde qolynan jaraqat alyp, múgedektikke dýshar bolǵanda da Hamaqań eńbekten qol úzbedi.Jasy kelip zeınetkerlikke shyqqanǵa deıin H.Halıtov aýdandaǵy daıyndyq mekemesinde kúzetshi boldy. Oǵan qosa, Hamaqań gaz plıtasyn jóndeý, elektr jelilerin, quraldaryn tekserý, temir-tersekterdi jóndep, qurastyrý jumystaryn sheberlikpen jasaıtyn.
– Kórshi-kólem meni arnaıy izdep kelip, úıde otyrǵyza bermeıdi, – deıdi Hamaqań sóz arasynda. – Bireýi balta, pyshaǵyn, endi biri sháınegin jóndeýge ákeledi. Tipti, úılerine shaqyryp, túrli ishki jumystaryn jóndeýden ótkizip berýge de qolqa salady. Aı, qazaqtar-aı, ábden jumys bitken soń rıza bolǵandary shyǵar, almasyńa qoımastan, qaltańa az da bolsa eńbegiń dep aqshasyn da qystyryp jatatyndary jáne bar.
Iá, osylaısha aǵynan jarylǵan Hamaqań ózi jumys ústinde jaraqat alyp, eki aıdaı aýrýhanada jatqanynda sol kezdegi oblystaǵy jol basqarmasynyń bastyǵy Ostanın men oblystyq kásipodaq komıtetiniń basshysy Potkoldyń ortalyqtan syńǵyrlaǵan páterdi de turǵyzyp berýge basty sebepker bolǵandyǵyn yrzalyqpen aıtady.
Hamaqań aýdan kóleminde 45 jyl jemisti eńbek etse, marqum zaıyby Fatıma da jol mekemesinde 26 jyldaı jumys atqarǵan. Ol Fatımamen bir shańyraq astynda 37 jyldaı dám-tuzdary jarasyp, bes ul-qyz tárbıeledi.
Búginde jympıtylyqtardyń átıi atanyp ketken Hamıt Halıtov kenje uly Talǵattyń qolynda, kelini Samaldyń sháıin iship, nemereleri Zýhranyń, Álisherdiń bal qylyǵyn qyzyqtap otyrǵan jaıy bar. Al qyzdary Zifarzat, Bıbinur, uly Fattyń óz otbasylary bar. Olar da osy aýdan ortalyǵynda turady.
Hamaqań búginde 80 jasqa tolsa da tyń, ózin shıraq ustaıdy. Qaratóbedegi, Buldyrty aýylyndaǵy quda-qudaǵaılarymen jıi aralasyp, toı dastarqandarynda bas qosyp otyratyndary bar. Ondaıda ol tatarsha án salyp ta beredi.
Átıdiń úlken nemeresi Q.Myrzalıev atyndaǵy orta mekteptiń 6-synyp oqýshysy Zýhra aýdan ortalyǵyndaǵy «Erkenaz» bı tobynyń beldi bıshisi. Jýyrda «Erkenaz» bı toby Qazaqstan ulttyq arnasyndaǵy televızııalyq «Aıgólek» respýblıkalyq balalar baıqaýynda top jaryp, bas júldege ıe boldy. Endi Zýhra osy quramada bıylǵy jyldyń sáýir aıynda Túrkııanyń Izmır qalasynda óner kórsetetin bolady.
Nemeresiniń osyndaı bıik jetistigine qýanǵan Hamıt aqsaqal byltyrǵy jyldyń sońyna taman Elbasynyń halyqqa arnaǵan Joldaýynda elimizdiń kúretamyry sanalatyn joldy jóndeýge de basa nazar aýdarylǵandyǵyna jolshy retinde bek qýanyp otyr.
Al Hamaqańnyń esimi Almatydan basylyp shyqqan «Qurmet kitabyna» engizilgendigin biri bilse, endi biri bile bermeıdi de.
Músirbek AITAShEV.
Batys Qazaqstan oblysy,
Syrym aýdany.
Sýrette: Hamıt Halıtov kelin, bala, nemerelerimen.
