Foto: qazaqconcert.kz
Festıvaldiń maqsaty – mádenıetaralyq jáne konfessııaaralyq yntymaqtastyqty nyǵaıtý, túrli elderden kelgen qatysýshylar arasynda tájirıbe almasý men yntymaqtastyq úshin qolaıly orta qalyptastyrý. Is-sharany Qazaqstan Respýblıkasynyń Mádenıet jáne aqparat mınıstrligi qoldaýymen Roza Baǵlanova atyndaǵy «Qazaqkonsert» memlekettik akademııalyq konserttik uıymy uıymdastyrady.
Festıval qatysýshylarynyń qatarynda Ázerbaıjan Respýblıkasynyń eńbek sińirgen ártisi Ilham Nazarov, Qyrǵyz Respýblıkasynyń eńbek sińirgen ártisi Aızırek Momýnova, Alısher Navoı atyndaǵy memlekettik akademııalyq Úlken opera jáne balet teatrynyń solısi Nosır Iýsýpov, Ázerbaıjan memlekettik akademııalyq opera jáne balet teatrynyń solısi Atash Garaev, sondaı-aq T. Shevchenko atyndaǵy Ýkraına ulttyq opera jáne balet teatrynyń solısi Ksenııa Bahrıtdınova-Kravchýk jáne Abaı atyndaǵy Qazaq ulttyq akademııalyq opera jáne balet teatrynyń jetekshi solısi Taıyr Táji bar. Kórermen tek jeke oryndaýlar ǵana emes, Qazaqkonserttiń «Astana Musical» memlekettik teatry, «G-band», «Astana sazy» qazaq memlekettik folklorlyq ansambli jáne Qazaq memlekettik sımfonııalyq orkestrimen birge utymdy kollaborasııalardy tamashalaı alady.
Konsertte Mádenıet salasynyń úzdigi, Abaı atyndaǵy Qazaq ulttyq opera jáne balet teatrynyń dırıjeri Muhtar Qaldaıaqov dırıjerlik etedi.
Án keshi 15 qarasha, saǵat 19:00-de Roza Baǵlanova atyndaǵy «Qazaqkonsertte» ótedi.
