Foto: depositphotos.com
Anasynyń aıtýynsha, onyń qyzy mektepten qaıtyp kele jatqanda esik aldyna qulap qalǵan. Áıeldiń aıtýynsha, ol alǵashynda balany kóshede bireý uryp-soqqan dep oılaǵan, biraq qyzy ózin jaısyz sezine bastaǵannan keıin jedel járdem shaqyryp, onyń antıbıotıkterden ýlanǵanyn bilgen.
«Dári qabyldaý úshin mektep meıirbıkesi qyzymdy shaqyryp alǵan. Úıde ońaılyqpen dári ishýge kelise qoımaıtyn qyzyma medısına qyzmetkeri birden segiz túıir dárini májbúrlep ishkizgen», deıdi qyzdyń anasy Aqtamaq Appas.
Bala esin jıǵan kezde ata-ana 27-shi gımnazııa mektebiniń basshylyǵynan túsinikteme alýǵa tyrysqan. Biraq anasynyń aıtýynsha, ol dırektordyń qabyldaýyna kire almaǵan. Qazir Densaýlyq saqtaý mınıstrligi bul oqıǵany zerttep jatyr.
Densaýlyq saqtaý vıse-mınıstri Erjan Nurlybaevtyń aıtýynsha, aýmaqtyq komıtet qyzmettik tekserý jarııalady.
Telearnanyń málimetinshe, oqýshy qyzǵa dári bergen medısına qyzmetkeri oqý ornynyń ózinde emes, qalalyq emhanalardyń birinde jumys isteıdi. Antıbıotıkpen emdeýdi ftızıatr dáriger taǵaıyndaǵan, sebebi qyz bir jyldaı buryn týberkýlezben aýyratyn synyptasymen baılanysta bolǵan.
«Osy jyly ftızıatr dárigerge qaraldy, balam sap-saý», dep túsindirdi qyzdyń anasy.
Dárigerler antıbıotıkterdi belgili mólsherde taǵaıyndaýǵa bolatynyn aıtady. Biraq ol úshin ata-ananyń kelisimi kerek.
Sonymen qatar pedıatrdyń aıtýy boıynsha, kez kelgen dárini tamaq kezinde nemese odan keıin qabyldaý kerek. Al Aısáýle olardy ekinshi aýysym bitkende, ıaǵnı ash qarynǵa qabyldaǵan.
Búginde qyzdyń anasy prokýratýraǵa aryz joldap úlgergen.
