Depýtat Tatıana Saveleva málim etkendeı, zań jobasy eki negizgi baǵyt boıynsha respýblıkalyq bıýdjet kórsetkishteriniń ózgerýine baılanysty ázirlendi.
«Birinshiden, 2024 jylǵa arnalǵan kiristerdiń naqtylanǵan boljamy bekitilgen jospardan 2 trıllıon teńgege tómendeýmen anyqtaldy, bul rette Ulttyq qordan maqsatty transfert túrinde qosymsha 2 trıllıon teńge tartý josparlandy», dedi Saveleva Májilistiń jalpy otyrysynda.
Onyń aıtýynsha, respýblıkalyq bıýdjettiń shyǵystary men tapshylyǵynyń parametrleri úkimet engizgen túzetýlerdi eskere otyryp jáne 2023 jylǵa arnalǵan 61,3 mlrd teńge kólemindegi bıýdjet qaldyqtaryn paıdalana otyryp ózgertildi.
«Osylaısha, respýblıkalyq bıýdjettiń naqtylanǵan shyǵystary bekitilgen kórsetkishke qatysty 61,3 mlrd teńgege ósedi, bıylǵy jylǵy respýblıkalyq bıýdjet tapshylyǵy 61,3 mlrd teńgege ósýmen 3,6 trln teńgeni quraıdy», dedi Saveleva.
