Sýret: ru.freepik.com
Shymkentte 2025 jyldyń sońyna deıin eki kezeń boıynsha jylyjaı keshenin jáne ósirilgen ónimdi qaıta óńdeıtin seh salý josparlanyp otyr. Birinshi kezeńde – 45 gektar, ekinshi kezeńde – 130 gektar. Tolyq qýatqa shyqqanda keshen jylyna 51 myń tonna ónim óndirýge múmkindik beredi. О́tkizý naryqtary – ishki naryq jáne Reseı, Qatar, BAÁ-ge eksporttaý.
Kásiporynda 2 myńǵa jýyq jumys orny ashylady. Kompanııa Shymkentte jylyjaılarǵa arnalǵan qurylymdar shyǵaratyn zaýyt ashýdy josparlap otyr, bul qurylys merzimin qysqartýǵa múmkindik beredi. Joba aıasynda halyqaralyq standarttar boıynsha aýyl sharýashylyǵy mamandaryn daıarlaý úshin mamandandyrylǵan akademııa qurylady.
Taraptar ınvestısııalyq jobany iske asyrý úshin memlekettik qoldaý sharalary kózdelgen ınvestısııalar týraly kelisimniń jobasy men sharttaryn talqylady.
Serik Jumanǵarın ınvestorǵa jan-jaqty qoldaý kórsetiletinin aıta kele, aýyl sharýashylyǵynyń basqa da basym salalarynda, atap aıtqanda, astyq, qant qyzylshasy, terini tereń óńdeýdi qosa alǵanda, óndiristi jolǵa qoıý múmkindigin qarastyrýdy usyndy.
