Teatrlar kúrdeli jóndeýden ótedi

Teatr ǵımaraty salynǵannan beri kúrdeli jóndeýden ótpegen. Inje­ner­lik jelileri men materıal­dyq-teh­nıkalyq bazasy tozǵandyqtan, órt qaý­pi joǵary. Ǵımarat rekonstrýksııa­sy teatr­dyń tarıhı kelbetin saqtaı otyryp júrgiziledi. О́ıtkeni ǵımarat jer­­gilikti mańyzy bar mádenı eskert­kish mártebesine ıe.

Sonymen qatar demeýshiler qara­jatymen Abaı atyndaǵy Qazaq ulttyq opera jáne balet teatry ǵıma­ratynda da ishki jóndeý jumystary júrgizilip jatyr. Qazirdiń ózinde jeti bólme, onyń ishinde orkestr men hor zaldary, mýzeı, grım bólmeleri, qabyldaý zaly jáne basqa da zaldary jańartyldy.

Buǵan qosa N.Sas atyndaǵy mem­le­kettik akademııalyq orys balalar men jasóspirimder teatrynda da kóp ózgeris bolady. Ǵımarattyń kúrdeli jóndeý boıynsha jobalyq-smetalyq qujattamasy memlekettik saraptamadan ótip jatyr.

Respýblıkalyq akademııalyq ne­mis drama teatry da nazardan tys qal­­­maıdy. Mádenıet jáne aqparat mı­­­nıs­tr­liginiń baspasóz qyzme­ti­niń habarlaýynsha, burynǵy kınoteatr ǵımaratynda ornalasqan teatrdy jóndeý jáne gazdandyrý máselesi búginde Ulttyq ekonomıka mınıstrliginiń qaraýynda tur.

Sondaı-aq mınıstrlik 2025 jyly Ǵ.Músirepov atyndaǵy Qazaq mem­lekettik akademııalyq balalar men jasóspirimder teatrynyń ǵımaratyna saraptama júrgizýdi josparlap otyr. Sa­raptama barysynda onyń kúr­deli jóndeý jumystary bo­ıyn­sha aldaǵy jumys kólemi anyq­­talady.

Aıta keteıik, 2020 jyly Q.Qojamııarov atyndaǵy respýb­lı­ka­lyq mem­lekettik akademııalyq uı­ǵyr mýzy­kalyq komedııa teatrynyń kúr­deli jóndeý jumystarynyń aıaq­tal­ǵan edi.