Halyqaralyq konferensııanyń maqsaty – ǵylym, bilim, medısına, bıotehnologııa, hımııalyq tehnologııa, qurylys, qurylys materıaldary, agroónerkásiptik keshen, tamaq ónerkásibi, toqyma ónerkásibi tehnologııalary, mehanıka, ekologııa, tabıǵı resýrstardy rasıonaldy qoldaný, jańartylatyn energııa kózderin, energııa únemdeıtin tehnologııalar jáne IT tehnoloııasyn paıdalanýdaǵy zertteýler nátıjesin talqylaý.
Jıyn barysynda «Qazfosfat» JShS, «QazAzot» JShS, «Damý» kásipkerlikti damytý qory» AQ, «Qazatomónerkásip» UAK» AQ, Eýropalyq komıssııa, Pýtra Malaızııa ýnıversıteti, Shenıan hımııa-tehnologııalyq ýnıversıteti, I.Karımov atyndaǵy Tashkent memlekettik tehnıkalyq ýnıversıteti, Výlverhempton ýnıversıteti, Egeı ýnıversıteti, Ivanovo memlekettik polıtehnıkalyq ýnıversıteti, Belarýs memlekettik tehnologııalyq ýnıversıteti, Belarýs ulttyq tehnıkalyq ýnıversıteti, «Máskeý energetıka ınstıtýty» Ulttyq zertteý ýnıversıteti, D.I. Mendeleev atyndaǵy Reseıdiń hımııalyq-tehnologııalyq ýnıversıteti men Sankt-Peterbýrg memlekettik tehnologııalyq ınstıtýtynyń (tehnıkalyq ýnıversıtet) ókilderi baıandama jasap, zaman talabyna saı mamandar oqytý men jańa tehnologııalar jasaýdaǵy tehnıkalyq joǵary oqý oryndarynyń mańyzy men róli týraly salmaqty sóz sóıledi.
Máselen, Pýtra Malaızııa ýnıversıtetiniń ǵalymy Mýhammad Mýh Nasır aýyl sharýashylyǵy salasyndaǵy ınnovasııalyq tehnologııalardy paıdalanýdyń artyqshylyǵy týraly baıandady.
«Malaızııada 690 myń gektar kúrish alqaby bar. Olardy sýarý úshin mol sý kerek. Sondyqtan bul jerde sý únemdeý tehnologııasyn qoldaný óte mańyzdy. Al ony biz gıdrologııalyq modeldeý arqyly iske asyryp jatyrmyz. Munda jerasty sýlary, jaýyn-shashyn mólsheri, ózen-kólderdiń sý tolymdylyǵy bári-bári eskeriledi», dedi ol.
Jalpy, Pýtra Malaızııa ýnıversıteti Ońtústik-Shyǵys Azııada ornalasqan bul elde eń úzdik alǵashqy 5 joǵary oqý oryndarynyń qataryna kirse, dúnıejúzilik ýnıversıtetter reıtınginde 158-oryn alady.
Budan bólek, Islam Karımov atyndaǵy Tashkent memlekettik ýnıversıtetiniń ókili Gúlnara Ihtııarova atalǵan tehnıkalyq joǵary oqý ornynyń múmkindigi týraly áńgimeledi. Bir ǵasyrdan astam tarıhy bar ýnıversıtette geologııa, baǵdarlamalaý, sıfrlandyrý, jasandy ıntelleket, balamaly qýat kózderi syndy mamandyqtar boıynsha stýdentter bilim alady. Sonymen birge Japonııanyń irgeli oqý oryndarymen tyǵyz baılanys ornatylǵan. Sonyń nátıjesinde stýdentter atalǵan ýnıversıtetten bólek Kúnshyǵys elindegi joǵary oqý oryndarynda da bilim alyp, tájirıbe jınaıdy. Ýnıversıtettiń endigi maqsaty – álemdegi eń ozyq joǵary bilimdi mamandar daıarlaıtyn oqý ordalarynyń qataryna ený.
Sondaı-aq konferensııa aıasynda Muhtar Áýezov atyndaǵy Ońtústik Qazaqstan, Islam Karımov atyndaǵy Tashkent memlekettik jáne Dmıtrıı Mendeleev atyndaǵy Reseı hımııa-tehnologııalyq ýnıversıtetteri arasynda hımııalyq tehnologııa boıynsha akademııalyq hab qurý týraly memorandýmǵa qol qoıyldy.
ShYMKENT
