Foto: Úkimettiń baspasóz qyzmeti
Úkimet Aqtóbe qalasynda erekshe balalarǵa arnalǵan arnaıy balabaqsha salýǵa shamamen 7,8 mlrd teńge bólý týraly sheshim qabyldady. Balabaqshanyń ashylýy 300 erekshe balany tárbıemen jáne túzetý kómegimen qamtamasyz etedi. Mekeme mektep jasyna deıingi balalarǵa jaıly bolý, damytý jáne oqytý úshin barlyq qajetti zattarmen jabdyqtalady.
Aıta keteıik, búgingi tańda oblysta erekshe bilim berýdi qajet etetin 3 jastan 6 jasqa deıingi 2523-ten astam bala bar, olardyń 1320-y mektepke deıingi bilimmen qamtylǵan. Qazir oblys boıynsha 4 arnaıy túzetý balabaqshasy jumys isteıdi. Jobany iske asyrý qajetti ınfraqurylymdy qurýǵa jáne erekshe qajettilikteri bar balalardy damytý men tárbıeleýdi qamtýdy keńeıtýge múmkindik beredi.
«Buǵan deıin Aqmola oblysynyń Zerendi aýylynda sport keshenin, Túrkistan oblysynyń Temirlan aýylynda mýzyka mektebin, Arqalyq qalasynda daryndy sportshy balalarǵa arnalǵan sport keshenin, Astanada tirek-qımyl apparaty buzylǵan balalarǵa arnalǵan ońaltý ortalyǵyn, Almatyda erekshe qajettilikteri bar adamdarǵa arnalǵan jattyǵý ortalyǵyn salý jónindegi jobalardy qarjylandyrý týraly sheshim qabyldanǵan edi», delingen habarlamada.
