Bul joba mektep pen balabaqshadaǵy balalar qaýipsizdigin arttyrýǵa, memlekettik mekemelerdegi qyzmetkerlerdiń kirý-shyǵýyn baqylaýǵa jáne bıýdjet qarajatynyń maqsatsyz jumsalmaýyna baǵyttalǵan.
Qazir «Alaqan» júıesi Shymkent qalasy ákimdigi men «Azamattarǵa arnalǵan úkimet» KeAQ, sondaı-aq birneshe mektep pen balabaqshaǵa qoıyldy. Sonymen qatar Aqmola oblysyndaǵy 91 mektep pen Aqtóbe oblysyndaǵy 68 mektepti qamtydy. Al Batys Qazaqstan, Túrkistan jáne Qaraǵandy oblystaryndaǵy bir bilim ordasyna qanatqaqty joba retinde engizildi.
Aldaǵy eki jylda Qaraǵandy oblysynyń 150 mektebine de osy júıeni ornatý josparlanǵan. Sondaı-aq «Artsport» jáne «Darabala» jobasy aıasynda atalǵan júıeni Kókshetaýdyń 19 qosymsha bilim berý nysanyna barýdy esepke alý úshin sátti paıdalanylyp otyr. Nátıjesinde, bıylǵy naýryz aıynan bastap, bıýdjet qarjysyn únemdeý 60 mıllıon teńgeden asqan.
Búgingi tańda júıede 124 myńnan asa oqýshy men 10 myńǵa jýyq mektep qyzmetkeri tirkelgen. Endi jobany strategııalyq mańyzdy nysandarǵa ornatý múmkindigi qarastyrylyp otyr.
