Bestamaq oqý oshaǵyndaǵy ozyq tájirıbe

О́ńir­de­gi 134 aýyl mektebiniń basyndaǵy jaǵdaı uqsas: oqýshy sany az, pán muǵa­lim­deri je­tispeıdi, oqý-materıaldyq baza eskirgen, Internet baılanysy álsiz. Qala men aýyl mek­tepteri arasyndaǵy bilim deńgeıiniń aıyrmashylyǵyn joıý maqsatynda Oqý-aǵar­tý mınıstrligi «Bilim berý salasyn turaqty damy­tý qory» men «Qazaqstan hal­qyna» qorynyń qar­jy­laı qoldaýymen birneshe ba­ǵyt­ta jumys bas­tady.

Eń aldymen aýyl muǵalimderin oqy­tý­dy Aqtóbedegi Nazarbaev zııatkerlik mektebi qolǵa aldy. Shaǵyn jınaqty mektepterdiń biregeı úlgisi retinde Alǵa aýdanynyń Bestamaq orta mektebi tańdalyp alyndy. Osy bilim berý uıymyna tolyq jóndeý júrgizilip, pándik kabınetter jańartyldy. Odan ózge robottehnıka kabıneti, telestýdııa, aǵash jáne metall óndeý kabınetteri, tigin sheberhanasy men aǵash óńdeıtin ustahana, ART-stýdııa jasaqtaldy. Muǵalimder Aqtóbedegi NIS-de semınarlarǵa qatysyp, onlaın dáris aldy.

Bestamaq orta mektebiniń dırektory Ásel Dáýletalınanyń aıtýynsha, birneshe tegin úıirme balalardyń qyzyǵýshylyǵyn oıatty. Sonyń nátı­jesinde, Bestamaq mek­te­biniń oqýshylary robottehnıkadan ótken saıystarda júldeli orynǵa qol jetkizdi. Bir jyl ishinde osy bilim mekemesinde oqýshylardyń sabaq úlgerimi 6%-ǵa ósip, byltyrǵy túlekter túgel oqýǵa túsken.

Bestamaq mektebiniń toǵyz muǵalimi Alǵa aýda­nyndaǵy Besqospa, Taldysaı jáne A.Baıtursynov atyndaǵy shaǵyn jınaqty mektepterde negizgi pánder boıynsha onlaın-sabaqtar men semınarlar ótkizip júr. Bul jobaǵa qatysýshy tirek jáne magnıttik mektepter arasynda ınternet baılanysy qajet bolǵandyqtan, «KazSat» spýtnık júıesi aqyly ınternet júrgizildi. «Osy joba bilim berý oryndarynyń jaǵdaıyn jaqsartyp qana qoımaı, oqýshylardyń bilimge degen qyzyǵýshylyǵyn arttyrdy. Shaǵyn jınaqty mekteptiń oqýshylary oblystyq jáne halyqaralyq olımpıadalardaǵy úzdik nátıje kórsetti. Jobaǵa qatysqan tirek jáne magnıttik mektepterde bilim sapasynyń ósýi baıqalady», deıdi Aqtóbe oblystyq bilim basqarmasy basshysynyń orynbasary Nurgúl Bertileýova.

Budan bólek, Oqý-aǵartý mınıstrliginiń tapsyrmasymen Aqtóbe oblysynda on bilim berý okrýgin ashý josparlanyp otyr. 2025 jyldyń basynda qurylatyn bes okrýgtiń ekeýi oblys ortalyǵynda, úsheýi Qandyaǵash, Shalqar jáne Hromtaý qala­la­ryn­daǵy mektep-gımnazııalarda ashylady. Okrýgtik mektepterdegi nátıjeli tárbıe úrdisi jáne ozyq oqytý tásilderi olarǵa bekitilgen mektepterge engiziledi. Máselen, Aqtóbedegi D.Qonaev atyndaǵy mektep-gımnazııasyna 15 mektep, Ál-Farabı atyndaǵy № 21 gımnazııasyna 24 mektep bekitildi.

Aqtóbe oblysy