Sharýasy – dalada, saýdasy – qalada

Aıtalyq, Azamattyń sharýa qojalyǵynan 200-deı sıyr, 300-den asa jylqy, 500 bas qoı bıyl qysqa túsip otyr. Keıingi birer jylda ol aqbas sıyr ósirýdi qolǵa aldy. Qazir qorasynda 90 aqbas sıyry bar. Memleket asyl tuqymdy mal basyna sýbsıdııa beredi. «Mal ósiremin» deseń, memlekettiń de osyndaı qamqorlyǵy bar. Sharýashylyqqa qandaı tehnıkalar qajet, Azamatta sonyń bári de bar. Qysqa kerekti degen 600 tonna shóbin erte kúzde daıyndap ta qoıdy. Ol aldaǵy ýaqytta mal bordaqylaýmen aınalysýdy kózdep otyr. Buǵan qajetti qora-qopsy, shópke qosa jemi de daıyn. Turaqty túrde eńbek etetin 3-4 jumyskeri de bar. Isine tııanaqty sharýa osyndaı bolsa kerek-ti.

О́sirgen maldyń ónimin de tıimdi paıdalana bilý kerek. Onyń súti de, eti de eldiń kádesine jarap jatsa, mine, sharýashylyqtyń paıdasy degen sol. Azamat osydan birer jyl kúre joldyń boıynan «Azat» dámhanasyn ashqan bolatyn. Dámhana qyzmetine ótken-ketken jolaýshylar dán rıza. Qoldyń súti, qaımaǵy, maıy men qurty, t.t. dastarqan mázirinen qysy-jazy úzil­meıdi. Ári baǵasy da qal­taǵa kúsh túsire qoımaıdy. Árıne, sosyn jolaýshylar rıza bol­ma­ǵanda qaıtedi?

Azamat Shadıev jaqynda oblys ortalyǵy Jezqazǵan qalasynan saý­da pavılonyn ashty. «Ulytaý» áleýmettik-kásipkerlik kor­porasııasy» AQ Jezqazǵan qala­syn­daǵy burynǵy «Uly dala» saýda pavılon­daryn fermerlerge berýdi oılastyryp, olar­ǵa usynys jasaǵan edi. Bul usy­nys­ty Azamat qýana qabyl aldy.

– О́ıtkeni usynystyń óte tıimdi ekenin baıqadyq. Kommý­nal­dyq shyǵyndardy ǵana tóleı­di ekenbiz. Áleýmettik baǵyt ustan­ǵandyqtan, árıne, baǵa naryqtan tómen bolady. Biraq budan utylmaımyz. Baǵa arzan bolsa alýshy kóp bolady. Munda biz ózimizdiń ónimderimizdi, sondaı-aq halyq­tyń kúndelikti tutynýyna qajetti azyq-túliktiń barlyq túrin satamyz. О́zim aýylda sharýa­shy­lyqtyń basy-qasyn­da bolamyn, al mundaǵy saýdany balalarym júrgizedi, – deıdi Azamat.

– Aýyldy kóterý týraly jıi aıtamyz. Sonyń bir joly – sol aýyldaǵy sharýa qojalyqtaryna ónimderin ózderi satýǵa jaǵdaı jasaý. Bul eki jaqqa da paıdaly, tıimdi. Sondyqtan  Jez­qazǵan qalasyndaǵy bos turǵan saýda pavılondaryn fer­merlerge berýdiń joldaryn qarastyrdyq. Tıisti talaptaryn bekittik. Sharýa­shylyqtyń jaǵdaıyn, jyl­dyq tabystyń kólemin, t.b. saraptap, tekseremiz. Usyny­sy­myzdy qabyldap, talapqa sáıkes kel­genderdiń biri «Azat» sharýa qojalyǵy boldy. Ol qazir óz ónim­derine qosa oblys­tyq turaq­tandyrý qory­nyń áleýmettik mańyzy bar azyq-túlik túrlerin de halyqqa usynyp jatyr, – deıdi «Ulytaý» áleýmettik-kásip­­kerlik korporasııasy» AQ basqarma tóraǵasy A.Jókebaev.

Kásip­kerliktiń aıasyn ul­ǵaı­ta túsý arqyly sharýa­syn odan ári shalqytýdy kózde­gen Azamat buryn Jeńis aýylynan shaǵyn dámhana ashqan bolsa, endi sondaı bir dámhanany Jezqazǵan qalasynan da ashýdy maqsat etip, qaraýsyz qalǵan ǵımarattardyń birin satyp alyp, jóndeý jumys­ta­ryn júrgizýde. Kópke barmaı fer­merdiń bul dámhanasy da halyq­qa qyzmet kórsetetin bolady.

Sharýashylyǵy shalqyp, kásibi órge basqan kásipker-fermer qaıy­rymdylyq sharalarynan da shet qalmaı, joq-jitik jan­dar­ǵa árqashan járdemdesip turady. Mysaly, ol Jezqazǵan qalasyndaǵy saýda pavılonynan aptasyna 50 bólke nandy tegin taratyp otyr. Bul onyń qaıyrymdy sharýalarynyń bireýi ǵana.

Ulytaý oblysy