Sapar aıasynda Q.Toqaev pen E.Makron eki memlekettiń aýmaqtyq tutastyǵyn qurmetteı otyryp, 1991 jylǵy Almaty deklarasııasy negizinde óńirde berik ári turaqty beıbitshilik ornatýǵa múmkindik beretin kelisimge qol qoıýdy jedeldetýge tolyq qoldaý bildirdi. Sondaı-aq Prezıdentter Transkaspıı halyqaralyq kólik baǵytyn damytý úshin Ońtústik Kavkazdaǵy turaqtylyqtyń mańyzyn jetkizdi.
Osy oraıda sarapshy Amangeldi Qurmetuly kelissózdiń Ázerbaıjan halqyna oń nátıjesin bere bastaǵanyn aıtty.
«Qasym-Jomart Toqaevtyń Fransııaǵa saparyna baılanysty Ázerbaıjan medıasynda qyzyq pikir aıtyldy. Ázerbaıjan halqy Q.Toqaev dıplomatııasynyń nátıjesinde E. Makronnyń Ońtústik Kavkazǵa qatysty ustanymy birshama adekvatty bola bastaǵanyn alǵa tartady. Áıtpese Fransııa Ázerbaıjan-Armenııa máselesinde Baký pozısııasyn udaıy synaıtyn. Erevandy talaı jaqtaǵan. Endi osy rıtorıka ózgergen kórinedi-mys. Shynymen solaı boldy ma, joq pa bilmeımin, biraq ázerbaıjan baýyrlar Q.Toqaev saparynyń ózderi úshin paıdaly bolǵanyn alǵa tarta bastady. Qazaqstan ýrany Fransııaǵa tek Ázerbaıjan jeri arqyly jetkizilýi múmkin ekenin fransýzdarǵa Qazaqstan basshysy túsindirdi degendi aıtady», deıdi Amangeldi Qurmetuly.
