Foto: Erlan Omar
Qalalyq ekonomıka bólimi 2024 jyldyń birinshi jartyjyldyǵynda ataýly aqshalaı kiris orta eseppen 22%-ǵa ósip, 292 myń teńgeni quraǵanyn (QR – 9,2%-ǵa 201,1 myń teńge) málimdedi. Naqty mánde ósim 11,6%-dy (Qazaqstanda – 0,3%-ǵa) quraǵan.
«Jyldyq ınflıasııa tamyzdaǵy 8,6%-dan qyrkúıekte 8,3%-ǵa deıin baıaýlady. Bul azyq-túlik taýarlarynyń 7,7%-ǵa jáne azyq-túlik emes taýarlarynyń 5,6%-ǵa deıin ósýiniń baıaýlaýymen baılanysty. 2024 jyldyń sońyna qaraı jyldyq ınflıasııa odan ári 7,5-8%-ǵa, al 2025 jyly 6,5-7,5%-ǵa deıin tómendeıdi dep kútiledi», delingen habarlamada.
Sonymen qatar osy jyldyń 9 aıynda qalada 50,5 myń jumys orny ashylǵany, onyń 77,9 paıyzy turaqty ekeni atap ótildi. Sondaı-aq 9 aıdyń qorytyndysy boıynsha negizgi kapıtalǵa 8,1 paıyzǵa ósimmen 1,1 trıllıon teńgeden astam ınvestısııa tartylǵan. Jeke ınvestısııalardyń ósimi 8 paıyzdy qurap, 1 trıllıon teńgege jýyq óskeni belgili boldy.
