Foto: Ońalhan О́nerhan
21 qarashadaǵy túngi aýysymda 900-den astam arnaıy tehnıka men 300-den astam jol jumysshylary qar tazalaý jumystaryna tartyldy.
Bir kúnde polıgondarǵa 1408 reıspen 18 myń tekshe metrden astam qar jetkizildi.
Qalaǵa qalyń qar túskennen beri qaladan 43 832-den astam reıspen 556 myń tekshe metr qar shyǵaryldy.
Erejege sáıkes, eń aldymen, qalada keptelis týdyrmaý úshin óte qarqyndy qozǵalys ýchaskeleri tazalanady. Sondaı-aq ortasha qarqyndylyǵy bar ýchaskeler-alańdar, vokzal mańy aýmaqtary, trotýarlar, áleýmettik nysandarǵa kirme joldar jáne t. b. oryndar qardan tazartylady.
Ortalyq kóshelerde, jolaýshylar kóligi marshrýttarynda, aıaldamalar men trotýarlarda tazalaý basymdyqqa ıe.
Elordada birneshe jabdyqtalǵan qar polıgondary jumys isteıdi. Olar samosval tehnıkasynyń nómirlik belgilerin oqý júıesimen jabdyqtalǵan, munda beınebaqylaý kameralary ornatylǵan, jaryqtandyrý qosylǵan.
«Elorda turǵyndary men qonaqtarynan joldarda abaı bolý, qaýipsizdik erejelerin saqtaý, daýyldy eskertý bolǵan jaǵdaıda alys saparlardan bas tartý suralady.
Tótenshe jaǵdaı týyndaǵan kezde «112» telefonyna habarlasyńyz», dep eskertti ákimdik ókilderi.
