Foto: report.az
Bul týraly jeksenbi kúni aımaqtyń tótenshe jaǵdaılarmen kúres jáne onyń saldaryn joıý agenttiginiń ókili málimdedi.
Agenttiktiń tótenshe jaǵdaılar, jabdyqtar jáne logıstıka bóliminiń basshysy Shrı Vahıýnı Panchasılavatıdiń aıtýynsha, Delıserdang jáne Karo aımaqtarynda laı kóshkini men sý tasqyny senbi kúni keshke boldy. Delıserdangta sý tasqyny tórt úı men dinı ǵımaratty shaıyp ketken, alty adam qaza taýyp, taǵy toǵyz adam jaraqat aldy.
Agenttik ókili sondaı-aq Karo okrýginde bolǵan osyndaı tabıǵı apattan jeti adam qaza taýyp, toǵyz adam jaraqat alǵanyn qosa aıtty. Zardap shekkender jaqyn mańdaǵy aýrýhanalarǵa jetkizildi.
Indonezııanyń meteorologııa, klımatologııa jáne geofızıka agenttigi aımaqta jaýyn-shashyn normadan joǵary bolady dep boljam jasap, aýa raıynyń kúrt ózgerýi týraly eskertý jasaǵan.
El bıligi jaǵdaıdy muqııat baqylap otyr jáne zardap shekken turǵyndarǵa kómektesý jáne táýekelderdi azaıtýǵa kúsh salyp otyr.
