Foto: freepik.com
Oblystyq Polısııa departamentiniń krımınaldyq polısııa basqarmasy kıber-alaıaqtyqqa qatysty derekterdi jarııalady.
Bıyl ınternet-alaıaqtardyń áreketinen kelgen jalpy materıaldyq shyǵyn 516 mıllıon teńgeden asyp otyr. Qylmyskerler azamattardy aldaýdyń túrli aıla-tásilderin jetildirip otyr, bul rette qurbandardyń qatary kún sanap kóbeıip keledi. Ásirese shetelden áreket etetin alaıaqtar erekshe qaýip tóndiredi, sebebi olardyń basqa memleketterde ornalasýy quqyq qorǵaý organdarynyń olardy anyqtap, jaýapqa tartýyn kúrdelendiredi.
Eń kóp taralǵan alaıaqtyq ádisteriniń qatarynda jalǵan ınternet-dúkender, jeńil tabysqa shaqyratyn usynystar, fıshıngtik saıttar men «bank qyzmetkerleriniń» atyn jamylyp jasalatyn qońyraýlar bar. Qaskúnemder psıhologııalyq qysym kórsetip, manıpýlıasııa arqyly azamattardy jeke derekterin nemese qarajatyn óz erkimen berýge májbúr etedi. Quqyq qorǵaý organdary turǵyndarǵa qyraǵylyq tanytyp, bank kartalarynyń málimetterin bógde adamdarǵa bermeýge, tólem jasamas nemese kelisimsharttarǵa qol qoımas buryn aqparattyń durystyǵyn muqııat tekserýge keńes beredi», delingen habarlamada.
Aıta keteıik, sheteldegi alaıaqtyq áreketterdi anyqtap, zalalsyzdandyrý maqsatynda polısııa halyqaralyq uıymdarmen tyǵyz baılanys ornatyp otyr.
