Qalalyq qylmystyq ister jónindegi aýdanaralyq sotynyń málimetinshe, 2024 jylǵy 6 qańtarda birneshe adam qala ortalyǵyndaǵy páterlerdiń birine kirip, bes qol saǵatyn urlap ketken:
- Breguet Classique grande Complication quny 22,3 mln teńge;
- Franck Muller Mariner quny 6,8 mln teńge;
- Daniel Roth Papillon Chronograph quny 4,8 mln teńge;
- Rado Sintra quny 1,3 mln teńge;
- Garmin Fenix 7X quny 362 myń teńge.
Oǵan qosa seıften 500 myń teńge urlanǵan. Is materıaldaryna sáıkes, 46 jastaǵy er adam jáne onyń 61 jastaǵy sybaılasy jábirlenýshiniń seıfin ashqan. Eń qymbat saǵattar Shymkent qalasyndaǵy «Alash» bazarynda 800 myń teńgege saýdaǵa túsken.
Zerger Breguet Classique Grande Complication saǵatyn bólshektep, nátıjesinde alynǵan altyn balqytylyp, ártúrli buıymdar jasalǵan. Al saǵattyń ıesi onyń qunyn 50 mln teńgege baǵalady. Saraptama onyń tozǵanyn eskere otyryp, qol saǵatyn 22,3 mln teńgege baǵalady.
Tergeý barysynda jábirlenýshige satylǵan jáne bólshektelgen Breguet Classique Grande Complication-ten basqa aqsha men barlyq saǵattar qaıtaryldy. Bólshektengen buıymnan quny 1,1 mln teńge bolatyn mehanızmi ǵana qalǵan.
Sot qulyptardy ashqan azamatty asa iri mólsherde urlaǵany úshin kináli dep taýyp, oǵan 5,5 jylǵa bas bostandyǵynan aıyrý jazasyn taǵaıyndady. Al áriptesi eń tómengi qaýipsizdik mekemesinde eki jylǵa sottaldy. Olar jábirlenýshige 21,2 mln teńge qaryz.
Úkim zańdy kúshine engen joq.
