Vladımır Pýtın eki eldiń óńirileri ózara tıimdi kooperasııany nyǵaıtýǵa eleýli úles qosyp jatqanyn tilge tıek etip, Reseıdiń barlyq derlik sýbektileri Qazaqstandyq seriktestermen tyǵyz baılanys ornatqanyn jetkizdi. Sonyń nátıjesinde energetıka, ónerkásip, kólik jáne joǵary tehnologııalar salasyndaǵy aýqymdy jobalar júzege asyp jatqanyn atap ótti.
«Osy kúnderi Ýfa qalasynda 20-shy aımaqaralyq yntymaqtastyq forýmy ótip jatyr. Oǵan dástúr boıynsha bılik organdarynyń basshylary, zań shyǵarýshylar, mınıstrlikter men vedomstvolar, bıznes, ǵylym jáne qoǵamdyq toptardyń ókilderi, ıaǵnı ekijaqty qatynastardy damytýdyń qoldanbaly máselelerimen aınalysatyn barlyq maman jınaldy. Qasym-Jomart Kemeluly ekeýmiz forýmǵa qatysýshylarǵa beınebaılanys arqyly habarlasýdy josparlap otyrmyz», dep jazdy Vladımır Pýtın.
Budan basqa, Reseı Prezıdenti óńiraralyq jáne shekaraaralyq ózara is-qımyldyń aýqymdy baǵdarlamasy daıyndalǵanyn jazdy. Oǵan eki eldiń áleýmettik-ekonomıkalyq turǵyda qarqyndy damýy úshin, sondaı-aq adamdardyń ómir súrý sapasyn arttyrý úshin qolaıly jaǵdaılar jasaýǵa baǵyttalǵan 150-ge jýyq birlesken is-sharalar men jobalar engizilgen.
