Sýretterdi túsirgen – Dmıtrıı EROFEEV
Bul – oblys ortalyǵynan jyraqta ornalasqan aýdan, qalalarda ashylǵan tórtinshi ortalyq. Aýyl jurtyn tatýlyqqa shaqyryp, turmysyn túzeýge baǵyttalǵan nysanda arnaıy daıyndyqtan ótken mamandar qyzmet kórsetedi. О́ńir ákimi baspasóz qyzmetiniń málimetinshe, Qoǵaly aýlyndaǵy ortalyqpen qatar jyl sońyna deıin Qaratal, Alakól aýdandarynda osyndaı mekemeler ashylady. Keler jyly dál osyndaı ortalyqty Eskeldi, Kóksý, Aqsý aýdandarynda ashý josparlanyp otyr.
Jalpy, «Januıa» otbasyn qoldaý ortalyǵy Memleket basshysynyń tapsyrmasyna sáıkes áleýmettik jaǵynan osal otbasylardyń ómir súrý sapasyn jaqsartý, olardyń ekonomıkalyq derbestigine, azamattardyń ómirlik qıyn jaǵdaıdan shyǵýyna qoldaý kórsetý maqsatynda jumys isteıdi.
Qoǵalyda kezinde aýdandyq emhana bolyp, keıin birshama ýaqyt bos turǵan ǵımaratqa aǵymdyq jóndeý jumysy júrgizilip, qural-jabdyqtary satyp alynǵan. Oǵan jergilikti bıýdjetten arnaıy qarajat qarastyryldy. Sóıtip, ortalyq iske kiristi. Nysannyń dırektory Dáýren Jumaǵalıevtiń aıtýynsha, ortalyqta 15 adamǵa arnalǵan jatyn oryn, balalardyń oıyn bólmesi bar, kir jýatyn oryn, ashana, tynyǵý bólmesi jan-jaqty jabdyqtalǵan. Aldaǵy ýaqytta mekemege arnaıy kólik beriledi dep kútilip otyr. Munda 19 adam turaqty jumys isteıdi. Jańa mekeme tolyqtaı memleketten qarjylandyrylady.
«Bul ortalyqta otbasylyq janjaldardy sheshýge baǵyttalǵan sharalar iske asyrylyp, qıyn jaǵdaıǵa tap bolǵan adamdarǵa áleýmettik, zańdyq, psıhologııalyq qoldaý kórsetiledi. Turmystyq zorlyq-zombylyq belgileri bar adamdarǵa bir aıǵa deıingi merzimde ýaqytsha turý múmkindigi beriledi. Bul mekemeniń kásibı mamandary óńirdegi túrli áleýmettik-turmystyq máselelerdiń oń sheshilýine yqpal etedi dep senemin», deıdi D. Jumaǵalıev.
Jergilikti turǵyndar mundaı ortalyqtardyń bolǵany durys dep esepteıdi.
«Otbasy – memlekettiń bir bólshegi. Memleket myqty bolsyn desek, aldymen ár otbasy berik bolýy kerek. Qazirgi kezde ártúrli áleýmettik-turmystyq jaǵdaılarǵa baılanysty otbasylar, ásirese jas otbasylar túrli qıyndyqpen betpe-bet kelip jatady. Ajyrasý da jıilep ketti. Sondyqtan der kezinde otbasylarǵa qoldaý kórsetýdiń mańyzy zor», deıdi Qoǵaly aýyldyq okrýgi aqsaqaldar keńesiniń tóraǵasy Serik Týrbekov.
Endigi rette ómirlik qıyn jaǵdaıǵa tap bolǵan adamdardy erte anyqtaý men qoldaýdy uıymdastyrý maqsatynda aýdanda mobıldi toptar qurylady. Mobıldi top quramynda aýyl okrýgteriniń ákimderi, áleýmettik máseleler jónindegi qyzmetkerler, bilim berý, densaýlyq saqtaý salalary, ishki ister organdarynyń ókilderi qamtylady, ıaǵnı bul iste barlyq sala mamany birlesip jumys isteıdi.
Aıta keteıik, «Januıa» otbasyn qoldaý ortalyqtary 2023 jyly Panfılov, Sarqan aýdandary men Tekeli qalasynda ashylǵan. Olarǵa 82 otbasy tirkelip, psıhologııalyq, áleýmettik kómek berilip, qyzmet kórsetilgen. Al bul – aýylda ashylǵan ekinshi ortalyq. Buǵan deıin mundaı ortalyqtar ótken jyly Panfılov, Sarqan aýdandary men Tekeli qalasynda iske kirisken edi.
Jetisý oblysy
