Jas sportshynyń atalǵan mańyzdy jetistikke jetýine myqty tártip, kúndelikti jattyǵýlar jáne ata-anasynyń árdaıym qoldaýy úlken ról atqardy. 2007 jyly 10 qarashada Astanada dúnıege kelgen ol qarshadaıynan erekshe tabandy ári maqsatshyl bolǵan eken. Karatemen shuǵyldanýdy 7 jasynda bastapty. Elnur Dáýilbaı alǵashqy qadamdaryn «Astana karate ortalyǵynda» jattyqtyrýshy Arman Muhamedrahymnyń jetekshiligimen jasady. Keıingi jyldary jas sportshynyń áleýetin QR Kıokýshınkaı KWF federasııasynyń jattyqtyrýshysy Darhan Rahımjanov ashty.
10 jyldyq sporttyq mansabynda Elnur Dáýilbaı 28 qola, 22 kúmis, 32 altyn medal jáne 26 kýbok jeńip alǵan. Alaıda, onyń eń mańyzdy jetistigi retinde – 16 jasynda karateden «Sport sheberi» ataǵyn alǵanyn aıta ketken jón. Jyl saıyn Germanııa, Nıderland, Reseı, Túrkııa, Japonııa elderinde ótetin jarystarda ol árdaıym jeńis tuǵyrlarynan kórinip keledi.
Bir qyzyǵy, osyndaı mol jetistigi bola tura jas sportshy arhıtektor bolýdy armandaıdy. Sonymen qatar, ol otandyq karateniń kóshbasshysy bolý mártebesin saqtap qalýdy maqsat etedi.
Otbasy men mektebiniń jáne búkil eldiń maqtanyshy Elnur Dáýilbaı tabandylyqtyń, jaqyndarynyń qoldaýynyń jáne súıikti isine degen adaldyqtyń erekshe nátıjelerge ákeletinin árdaıym aıǵaqtap júr.
