Ekspozısııada Ulttyq kitaphana qorynda saqtalǵan eki myńnan asa qundy derekter usynyldy. Olardyń qatarynda sırek kezdesetin kitaptar, merzimdi basylymdar, notalyq materıaldar, kompıýterlik dıskiler men kúıtabaqtar bar. Sondaı-aq Qurmanǵazy atyndaǵy Qazaq ulttyq konservatorııasy Ǵylymı-aqparattyq kitaphana qorynyń qoljazbalary men notalyq basylymdary erekshe nazar aýdartty.
Kórmede Ahmet Jubanov pen Ǵazıza Jubanovanyń memorıaldyq úıinen ákelingen nagradalar men medaldar, Ahmet Jubanovtyń qoldanǵan dombyrasy, kıgen kıimderi jáne tarıhı fotosýretteri kórsetildi. Sonymen qatar Quddys Qojamııarovtyń sahnalyq kıimi usynyldy.
Sondaı-aq is-sharada Qurmanǵazy atyndaǵy Qazaq ulttyq konservatorııasy professorlyq-oqytýshylar quramynyń eńbekteriniń tusaýkeseri ótti.
