О́ńirlerde ótken IT-forým

Forým barysynda qatysýshylar sıfrlandyrý, jasandy ıntellekt, kıberqaýipsiz­dik, úlken derekter jáne memlekettik qurylymdarda tehnologııalardy qoldaný sııaqty mańyzdy taqyryptardy talqylady. Qonaqtardyń erekshe qyzyǵýshylyǵyn oıatqan startaptar alleıasynda jas kompanııalar ınnovasııalyq jobalaryn usynyp, ınves­torlarmen tanysyp, mentorlardan qundy keńes aldy. Sonymen qatar bıznes-úderisterdi avto­mattandyrý jáne agrotehnologııalarǵa jasandy ıntel­lektini engizý salasynda mamandanǵan qos­ta­naılyq «Aitomaton» startaby men jas­­ta­r­ǵa arnalǵan taǵylymdamalyq baǵ­d­ar­­lamalar usynatyn shymkenttik «Amanbay Tech» startaby tanystyryldy.

«О́ńirlerdegi sıfrlandyrý forýmdary Qazaqstandaǵy IT-salanyń qarqyndy damýy men eldiń sıfrlyq transformasııasynda sheshýshi ról atqaryp otyrǵanyn aıqyn kórsetti. Bul is-sharalar óńirdegi startaptardyń ósýine yqpal etip, IT-naryqtaǵy negizgi oıynshylarmen baılanys ornatý alańyna aınaldy. О́ńirlerden bas­taý alǵan bastamalar qazirdiń ózinde eldiń ekojúıesine oń yqpalyn tıgizip, sıfrlyq Qazaqstannyń damýyna úles qosyp otyr. Biz jas talanttardyń tabysta­ryn maqtan tutyp, olardy jańa jetistik­ter­ge jetý jolynda qol­daýdy toq­tatpaımyz», dedi «Astana Hub» basqarýshy dırektory Danııa Ahmetova.

Forým aıasynda IT-mek­tep­terdiń kórmeleri, oıyn ázirleý, jasandy ıntellekt jáne mobılografııa boıynsha vorkshoptar uıym­das­tyryldy.

Sondaı-aq «Grand Mobile» mobıldi oıy­ny­nyń avtory Roman Lıneısev týǵan qalasy – О́skemendegi fo­rýmǵa qatysyp, sóz sóı­ledi. Týǵan jeri men forým­nyń erekshe atmosferasynan shabyt alǵan ol «Oskemen Hub»-ta ótken hakatonnyń júlde qoryn eki ese arttyryp, óńirdiń ekojúıe­sine mańyzdy úles qosty. «Týǵan jerimizdi umytpaı, óz jolyn bastaǵan jastarǵa qoldaý kórsetý mańyzdy. Bul jerde myqty áleýet bar ekenin baıqadym», dedi R.Lıneısev.

Bir sózben aıtqanda, oblystyq IT-forýmdary jergilikti ázirleýshilermen qatar iri tehnologııalyq kompanııalar men IT salasynyń jetekshi maman­da­rynyń qyzyǵýshylyǵyn týdyrdy. Álemge tanymal kompanııa ókilderi oblys ortalyqtarynda tájirıbe almasyp, vorkshoptar men trenıngter ótkizip, granttyq qoldaý baǵdarlamasyn usyndy.