Iá, negizi muny kez kelgen kásibı pedagog tereń túsinedi. Alaıda keıde sol izdeniste júrgen jannyń ózi qoldaýǵa muqtaj bolady. Bul – eń aldymen kásibı qoldaý. Biz «О́rleý» ulttyq biliktilikti arttyrý ortalyǵynyń atynan erekshe qajettiligi bar balalarǵa bilim beretin ınternattar, mektepter, ońaltý ortalyqtarynyń pedagogterine, pedagog-assıstentterge psıhologııalyq-pedagogıkalyq jaǵynan qoldaý kórsetemiz. Sonymen qatar ınstıtýtymyzda teorııalyq turǵyda baǵyt-baǵdar bersek, keıin resýrstyq mektepte sol alǵan bilimi men jıǵan tájirıbesin is júzinde qalaı qoldaný keregin aıtyp, 10 kún boıy tańnan keshke deıin tájirıbelik dárister ótkizemiz. Osyǵan qosa aýdandardan kelgen tyńdaýshylarǵa qaladaǵy mektepterdi aralatyp, ózine qajetti, ózi jumys isteıtin salaǵa saı arnaıy mamandardyń – defektologter, logopedter, pedagog-assıstentterdiń sabaǵyna qatystyryp keregin úırenýge múmkindik beremiz. Sodan soń osyndaı tolyq teorııalyq, odan ári praktıkalyq kýrstan ótkender eńbek etetin uıymyna baryp bilimin, tájirıbesin ózge áriptesterine bólisedi. Sondaı sátte biz sol kýrsymyzdy bitirgen mamandardy kýrstan keıingi qoldaýǵa kóshemiz. Mundaı qoldaýdy alý úshin mamandar arnaıy saıtqa tirkelip, kýrstyq jumys ótkizip, ashyq sabaqtaryn júrgizýge qatysty tolyqqandy qoldaý ala alady, sońynda esebin tapsyrady. Saıt arqyly osyndaı kýrstan ótken pedagogter ózderiniń ashyq sabaqtarynyń vıdeolaryn júktep, ózara pikir almasyp, respýblıka kólemindegi áriptesterimen keńinen talqylaı alady.
Ekinshi – áriptes retinde janashyrlyq tanytyp, psıhologııalyq turǵydan qoldaý. Shyndyǵynda qoldaýdyń bul túri birinshi aıtylmaǵanymen, óte mańyzdysy. О́ıtkeni shynaıy bilgenin aıtý, bólisý, óziniń bilgenin áriptesiniń de bilgenin qalaý, psıhologııalyq qoldaý dál osy janashyrlyqtan týady. Sol sebepti biz osy máseleni ózimiz de umytpaýǵa tyrysamyz ári kýrs oqytatyn áriptesterdiń de, kýrs oqýǵa kelgen tyńdaýshylardyń da esine salyp otyramyz. Bárimiz biletindeı, damýy qalypty balanyń ózimen jumys isteý – ońaı emes, al psıhologııalyq nemese fızıologııalyq, tipti psıhıkalyq jaǵynan qandaı da bir kesheýildeýi, buzylysy bar balamen jumys isteý – pedagogten ádettegige qaraǵanda eki ese kóp kúsh-jigerdi, izdenisti, kásibılikti qajet etedi. Sondyqtan da erekshe balalarmen jumys isteıtin pedagogterge erekshe qoldaý kerek.
Aıgúl QOZBAHOVA,
«О́rleý» BAQO AQ fılıaly Qyzylorda oblysy boıynsha Kásibı damý ınstıtýty kafedrasynyń aǵa oqytýshysy
