Keskindeme janrynyń ákki sheberi Qudash Dáýlethanuly Úlken Naryn aýdany, Úshtóbe aýylynda týǵan. Bala jastan ónerge qumar ol Semeı memlekettik pedagogıkalyq ýnıversıtetiniń kórkemsýret-grafıka fakýltetin támamdap, ustazdyq jolǵa túsken. Shákirt tárbıeleı júrip, óziniń sheberligin de shyńdaǵan. Alys-jaqyn shetelderde ótetin sımpozıýmdardan da qalmaýǵa tyrysady. Sonaý jyldardan qolynan qylqalamyn tastamaı, osy ýaqytqa deıin túrli janrda júzdegen kartına jazypty. Iriktelgen jumystaryn toptastyryp, buǵan deıin de birneshe ret jeke kórmesin uıymdastyrǵan. Al myna kórmesi tipten erekshe. Shyǵarmalary ártúrli janrda. Altaıdyń tumsa tabıǵaty da, turmysy da qamtylǵan. Portretter de barshylyq. «Qudiret» dese, qudiret. Qylqalam ushymen mynaý dúnıedegi bar sulýlyqty sezindiredi. Sulýlyqqa qumar ustazdyń shákirt inileri de kórmedegi tyń týyndylarǵa ynta qoıa qarap, pikirlesip jatty.
– Shyǵysta sýretshilerdiń basyn qosyp, baǵyt-baǵdar berip júretin Qudash Dáýletqanulyn ustaz sanaımyz. О́zi únemi izdenis ústinde júredi. Qudash aǵanyń salǵan kartınalaryn da jazbaı tanımyz. Boıaý jaǵý stıli erekshe. Eńbekqorlyǵyna basymyzdy ıemiz, – deıdi izin basyp kele jatqan shákirti Mádı Qaıyrhanuly.
«Ustazdyq etken jalyqpas, úıretýden balaǵa» demekshi, Qudash Nursadyqov sýret stýdııasyn ashyp, kishkentaı shákirtterdi de ónerge baýlyp júr. Olardyń ishinde jeke kórmesin ótkizip, respýblıkalyq baıqaýlardan júlde alǵandary da joq emes.
О́skemen
