Sýret: «AMANAT» partııasynyń baspasóz qyzmeti
Tuńǵysh ret uıymdastyrylyp otyrǵan jıynǵa oblys ákiminiń birinshi orynbasary Álibek Jaqanbaev jáne orynbasary Dıas Esdáýletov, «Amanat» partııasy ortalyq apparatynyń basshysy Mádı Ospanov, Májilis depýtaty Bolat Kerimbek, basqarma basshylary men aımaqtaǵy 113 aýyldyq okýrgtiń ákimderi qatysty. Basqosýda aýyl-aımaqtardyń áleýmettik-ekonomıkalyq damýy men ákimderdiń atqarar jumystary saralandy.
Áýeli Á.Jaqanbaev qoǵamdyq-saıası turaqtylyqty jáne ornyqty damýdy qamtamasyz etý ákimderdiń basty mindeti ekenine toqtaldy.
«Oblys ekonomıkasyn odan ári damytý men halyqtyń ómir súrýine qolaıly jaǵdaı jasaý úshin biz birlesken, tıimdi jumys arqyly óńirdiń ál-aýqatyn jaqsartýdaǵy mindetterge qol jetkize alatynymyzǵa senimdimin», dedi oblys basshysynyń birinshi orynbasary.
Osy oraıda «Amanat» partııasynyń apparat basshysy Mádı Jarylqasynuly jergilikti atqarýshy bıliktiń jaýapkershiligi joǵary bolýǵa tıis ekenin alǵa tartty.
«Aýyl ákimderiniń forýmy qazirgi ýaqytta elimizdiń barlyq aımaǵynda ótip jatyr. Forýmda aıtylǵan usynystar men ıdeıalar, tyń bastamalar «Amanat» partııasynyń atynan saılanǵan aýyl ákimderiniń tabandy jumysy men kásibı sheberligine jańa serpin beredi dep esepteımin. Memleket basshysy Qasym-Jomart Toqaev aýyl ákimderin tikeleı saılaý júıesin engizgennen beri jyl saıyn halyq eldi meken basshylaryna qatysty óz tańdaýyn jasap keledi. О́ńirde 2021 jyldyń shildesinen bastap 113 aýyl ákimderiniń saılaýy ótkizildi, onyń ishinde partııadan usynylǵan 111 (98%) kandıdat jeńiske jetti. Bul – bizdiń baǵdarlamalarymyz ben bastamalarymyzǵa degen halyq seniminiń aıqyn dáleli», dedi M.Ospanov.
«Amanat» partııasy eldi mekenderdegi kásipkerlikti damytýǵa, ekonomıkalyq ahýaldy arttyrýǵa basa nazar aýdarady. Dál osy maqsatta forým barysynda «Qaryzsyz qoǵam», «Quqyqtyq kómek» jobalarynyń jáne Jol kartasy aıasynda júzege asyp jatqan jetistikter talqylandy. Máselen, «Qaryzsyz qoǵam» jobasyn iske asyrý úshin oblys ortalyǵynda jobalyq keńse ashylyp, osy jyldyń 5 aqpanynan bastap Jetisý oblysynyń barlyq aýdan, qalalarynda 7 300 adam oqytyldy.
О́ńir ákimi baspasóz qyzmetiniń málimetinshe, bıyl óńirde 349,3 myń sharshy metr turǵyn úı salý josparlanǵan, 8 aıda 150,2 myń sharshy metr nemese 43% turǵyn úı paıdalanýǵa berildi. Jyl sońyna deıin 4 117 úı berilip, turǵyn úı kezegi 14%-ǵa tómendeıdi. Oblysta ortalyqtandyrylǵan sýmen qamtý deńgeıi – 91,1%. Oblystyq deńgeıdegi 182 shaqyrym jáne 54 eldi mekenniń ishki joldary jóndelip, Balqash kóline deıingi 132 shaqyrym joldyń 117 shaqyrymyna asfalt tóselgen.
Aýyldyq ákimder forýmnyń uıymdastyrylýy ózderi úshin paıdaly bolǵanyn aıtady.
«Halyqtyń partııa men atqarýshy bılikke degen senimi saılaýaldy ýádelerdiń oryndalýymen tikeleı baılanysty. Sondyqtan olardy ýaqtyly jáne sapaly oryndaý – barshamyzdyń basty mindetimiz. Shalǵaıdaǵy aýyl ákimderiniń jumysyna ártúrli baǵyttar boıynsha ádistemelik qoldaý qashanda qajet. Búgingi jıynda óz jumysymdy júıeli uıymdastyrýdyń taǵy da bir qyryn ıgerdim», dedi Panfılov aýdanyna qarasty Úlkenaǵash aýyldyq okrýginiń ákimi Ermek Nurahmetov.
Forým aıasynda paneldik sessııalar da uıymdastyryldy. Onda aýyl ákimderi «Amanat» partııasynyń Saılaýaldy baǵdarlamasyn iske asyrý, partııalyq jobalardy ilgeriletý, qyzmetti kásibılendirýge negizdelgen memlekettik qyzmettiń jańa qaǵıdattar men qadamdar, sybaılas jemqorlyqtyń aldyn alý, memlekettik satyp alýdy iske asyrý, agroónerkásip keshenindegi memlekettik qoldaýdyń qoljetimdi tetikterin qalyptastyrý, kásipkerlikke qoldaý kórsetý jáne ınvestısııa tartý sharalary, qoǵamdyq-saıası ahýal jáne buqaramen jumys isteý sekildi túrli baǵyttarda arnaıy mamandardan dáris aldy.
Jetisý oblysy
