Foto: Áleýmettik jeliden
Ońtústik Koreıa bıligi bul jaǵdaıǵa oppozısııanyń bılikti qyzmetinen taıdyrýǵa árekettenýi men qysqartylǵan bıýdjet arqyly eldi álsiretýge arnalǵan usynystary sebep bolǵanyn aıtty.
Dese de 6 saǵattan keıin Ońtústik Koreıa prezıdenti Iýn Sok Iol depýtattardyń daýys berýinen keıin elde áskerı jaǵdaı engizý týraly jarlyqty joıdy.
Osyǵan baılanysty Qazaqstannyń Ońtústik Koreıadaǵy elshiligi sonda júrgen otandastarymyzǵa úndeý jasady.
«Koreıa Respýblıkasynyń prezıdenti Iýn Sok Ioldiń áskerı jaǵdaı engizýine baılanysty Koreıa Respýblıkasynda júrgen Qazaqstan Respýblıkasynyń azamattaryn sabyrlyq saqtap, jergilikti bıliktiń usynystaryn oryndaýǵa jáne kópshilik is-sharalardan aýlaq bolýǵa shaqyramyz», delingen úndeýde.
Sondaı-aq elshilik tótenshe jaǵdaı týyndaǵan jaǵdaıda +8210-6572-9311 jedel baılanys nomerine habarlasýdy surady.
