Foto: Ashyq derekkóz
Qarjy mınıstri Mádı Takıev bıyl «Ulttyq qor – balalarǵa» jobasy aıasynda 1 aqpanda 7 mln-ǵa jýyq balaǵa 100 dollar 52 sentten aýdarylǵanyn aıtty.
«Qazir (qordaǵy qarjy) dollarmen esepteledi jáne osy soma qosymsha ınvestısııalanady. Sondyqtan jınaq ósip jatyr. Investısııalyq kiriske toqtalsaq, bıyl biz 2,6 paıyzben sanadyq. Kelesi jyly 3% ınvestısııalyq ósim bolady dep boljam jasap otyrmyz. Sondyqtan biz 1 qańtardaǵy sandy eskerip, balalarǵa 118-120 dollar bolatyn shyǵar dep otyrmyz. Biraq ony 1 aqpanǵa deıin taǵy bir naqty esepteý kerek», dedi Mádı Takıev.
О́z kezeginde Ulttyq bank tóraǵasy Tımýr Súleımenov bir balaǵa boljam 130 dollardy quraıtynyn aıtty.
Esterińizge sala keteıik, 2024 jyldyń aqpan aıynda Ulttyq qordan balalarǵa alǵashqy tólemderdi aýdarǵan edi. Memleket basshysynyń bastamasymen qolǵa alynǵan «Balalarǵa arnalǵan ulttyq qor» jobasy Ulttyq qordyń jyldyq ınvestısııalyq kirisiniń 50 paıyzyn 18 jasqa deıingi balalardyń jınaq shottaryna aýdarýdy kózdeıdi. Olardy paıdalanýdyń negizgi baǵyttary turmys jaǵdaıyn jaqsartý jáne oqý aqysyn tóleý.
