Foto: Vıdeoskrın
«Astanalyq emhanalarda Face ID júıesi engizile bastady. Endi dárigerdiń qabyldaýyna kirgen árbir azamat osyndaı kameralar arqyly tirkeýden ótýi tıis. Júıe naýqastyń fotosyn Ádilet mınıstrligi bazasymen sáıkestendirgennen keıin ǵana oǵan medısınalyq qyzmet kórsetiledi. Osylaısha jalǵan medısınalyq jazbalardyń joly kesiledi», deıdi mamandar.
Búginde 63 medısınalyq mekeme pılottyq jobany qoldaǵan. Biraq keıbir naýqastar jańashyldyqty birden qabyldaı qoıǵan joq. Olar beınekameralar dybysty da jazady dep alańdaýshylyq bildirgen. Al respýblıkalyq medısınalyq-sanıtarııalyq alǵashqy kómek ortalyǵynyń profılaktıkalyq bólim meńgerýshisi Jansaıa Qalılaeva aıtýynsha eshqandaı jazba júrgizilmeıdi.
«100% qaýipsizdik bar. Beınejazba júrgizilmeıdi. Biz sıfrlyq sýretke ǵana túsiremiz bir ret. Ol saqtalmaıdy. Ol egov bazasyndaǵy kýálikpen salystyrmaly túrde ótedi de, avtomatty túrde qabyldanady. Bul múldem saqtalmaıdy. Naýqasqa túsindiremiz, kórsetemiz. Áýel basta kórsetip júrdik. Qazir úırenisip ketti. Ondaı suraqtar joq», deıdi Jansaıa Qalılaeva.
Eger naýqas fotoǵa túsýden bas tartsa, jeke bas deregin rastaý úshin basqa da tásilder bar. - eGov mobile qosymshasyna nemese kaspıı qosymshasyna kirip, 6 tańbaly kod bar, sony aıtady.
Habar agentiginiń aqparatynsha jańa júıeni keler jyly barlyq aımaqta iske qosý josparlanyp otyr.
