Foto: olympic.kz
Is-sharaǵa Jeńil atletıka federasııasynyń prezıdenti Danıal Ahmetov, óńirlik federasııalardyń basshylary, sportshylar men federasııa ókilderi qatysty.
Jıynda Danıal Ahmetov federasııanyń atqarǵan jumystary týraly esep berip, birqatar mańyzdy jetistikterge toqtaldy. Olardyń qatarynda qazaq sportshylarynyń halyqaralyq jarystardaǵy joǵary nátıjeleri men jeńisteri, jeńil atletıkany damytýǵa baǵyttalǵan tyń bastamalary bar.
Otyrys barysynda Danıal Ahmetov ókilettigin merziminen buryn toqtatqanyn málimdep, belgili sportshy, Rıo-de-Janeırodaǵy Olımpıada chempıony Olga Rypakovany federasııa prezıdenti laýazymyna usyndy. Jıynǵa qatysýshylar, onyń ishinde oblystyq federasııa basshylary men sport qaýymdastyǵy onyń kandıdatýrasyn biraýyzdan qoldady.
Mınıstr Erbol Myrzabosynov Danıal Ahmetovke federasııa prezıdenti retindegi jemisti qyzmeti úshin alǵys aıtyp, Olga Rypakovaǵa jańa qyzmetinde tabys tiledi.
Kezdesý sońynda mınıstr Olga Rypakovaǵa jeńil atletıkadaǵy halyqaralyq yntymaqtastyqty damytýǵa, sportshylar men rezervterdi daıyndaýǵa basa nazar aýdarýdy tapsyrdy.
