foto: ShQO ákimdigi
Almat Aqyshov Shyǵys Qazaqstan oblysynyń týmasy. Eńbek jolyn О́skemen qalasynan bastaǵan. Jańa ákimniń 14 jyldyq eńbek ótili bar, onyń 12 jylyn memlekettik qyzmetke arnaǵan.
Aqyshov osy jyldary týrızm, dene shynyqtyrý jáne sport basqarmasynda, Aýyl sharýashylyǵy mınıstrliginde qyzmet atqardy, Ulan aýdandyq apparatynyń basshysy, Aıagóz aýdany ákiminiń orynbasary qyzmetterin atqardy, sonymen qatar energetıka jáne turǵyn úı-kommýnaldyq sharýashylyq basqarmasyn basqardy. Sońǵy eki jylda Kúrshim aýdanynyń ákimi qyzmetin atqardy. Aımaqtardy damytý magıstri, Prezıdenttik jastar kadrlyq rezerviniń múshesi.
Aımaq basshysy jańa ákimge qalany damytýdyń jol kartasyn ázirlep, tanystyrýdy tapsyrdy, onyń ishinde: ekologııalyq máselelerdi sheshý, kóshelerdi jaryqtandyrýdy jańǵyrtý, ekonomıkadaǵy, qurylys pen abattandyrýdaǵy negizgi jobalardy aıaqtaý, qalanyń týrıstik tartymdylyǵyn arttyrý úshin kásipkerlik nysandarynyń biryńǵaı jobalyq kodeksin engizý.
Esterińizge sala keteıik, О́skemenniń burynǵy ákimi Jaqsylyq Omar 27 qarashada ókilettiginiń aıaqtalýyna baılanysty qyzmetinen ketken edi.
