Foto: Ashyq derekkóz
Erbolat Dosaev 2024 jyldyń 9 aıynda Almatyǵa 1,7 mıllıon týrıst kelgenin, onyń ishinde 507 myńy sheteldik qonaq bolǵanyn aıtty.
«Almatynyń óńirlik týrıstik ortalyq retinde tanylýy joǵary halyqaralyq baǵalarmen rastalady. Bizdiń qalamyz eń jaqsy 5 shańǵy baǵytynyń qataryna endi jáne saıahattaýǵa eń jaqsy 10 jerdiń biri retinde ataldy. 2024 jyldyń qarashasynda ótken Qatar Travel Mart 2024 halyqaralyq kórmesinde Almaty 60 eldiń qatysýshylary qalalarynyń arasynda eń úzdik týrıstik baǵyt mártebesin aldy», dedi qala ákimi.
Sonymen qatar ákim Memleket basshysynyń tapsyrmasy boıynsha jańa ınvestısııalyq sıkl bastalǵanyn atap ótti. Qabyldanǵan sharalardyń arqasynda búginde Almaty elimizdiń shıkizattyq emes sektorǵa ınvestısııa salatyn negizgi ortalyǵy sanalady.
«Osy jyldyń 11 aıynda Almatynyń negizgi kapıtalyna 1,5 trıllıon teńge ınvestısııa tartyldy. Investısııalardyń eń úlken ósimi óńdeý ónerkásibinde, bilim berýde, kólikte, densaýlyq saqtaýda, sýmen jabdyqtaýda jáne kanalızasııada baıqalady. Bul ekonomıkanyń basym sektorlaryn damytýǵa arnalǵan ınvestısııalar qurylymyndaǵy sapalyq ózgeristi rastaıdy», dedi Erbolat Dosaev.
Onyń aıtýynsha, jalpy qala ekonomıkasyna 2024 jyly 2 trıllıon teńge, 2025 jyly 300 mıllıard teńgege ósýmen 2,3 trıllıon teńge tartý josparlanǵan.
Esterińizge sala keteıik, bıyl Almaty The New York Times gazetiniń nusqasy boıynsha «Barýǵa turarlyq 52 jer» tizimine endi. Condé Nast Traveller Italia jýrnaly Qazaqstandy álemdegi TOP 5 shańǵy tebýge arnalǵan baǵyttardyń qataryna qosty.
