Sýretti túsirgen – Erlan OMAR, «EQ»
Osy jyldyń IV toqsanynda memlekettik yntalandyrý sharalary temirbeton buıymdarynyń jetekshi otandyq óndirýshisi – baspaldaq satylaryn, qabyrǵalyq irgetas bloktaryn shyǵaratyn «KazConstructionGroup» kompanııasyna kórsetildi. Kásiporynnyń óndiristik qýaty jylyna 120 myń tekshe metr betondy quraıdy.
«QazIndustry» kompanııaǵa memlekettik yntalandyrý sharalary aıasynda tehnologııalyq úderisterin jetildirýge jumsalǵan 10,3 mln teńge kólemindegi shyǵyndaryn ótedi. Bul qarajatqa kásiporyn jańa jabdyqtar satyp alyp, óndiris tıimdiligin aıtarlyqtaı arttyrdy. Nátıjesinde, kompanııa óndiristi jańǵyrtyp qana qoımaı, ónim sapasyn jaqsartyp, tapsyrystardy oryndaý ýaqytyn qysqartyp, jańa jumys oryndaryn ashty.
«QazIndustry usynǵan memlekettik qoldaý sharalary bizdiń kásipornymyzdy damytýda mańyzdy ról atqardy. Biz óndiristik úderisterdi aıtarlyqtaı jaqsarttyq, bul ónim kólemin arttyryp qana qoımaı, el ekonomıkasynyń damýyna óz úlesimizdi qosýǵa múmkindik berdi», dep atap ótti «KazConstructionGroup» JShS bas dırektory Muratbek Muhambedıev.
Jańa jabdyq daıyn betondy quıyp, ony aınalmaly qorap arqyly arnaıy qalyptarǵa jetkizýge arnalǵan. Bul tehnıka jumys barysyn avtomattandyryp, óndiris qarqynyn edáýir jedeldetti. Atalǵan jabdyqtyń arqasynda birqatar nátıjege qol jetkizildi. Birinshiden, óndiris kólemi 113%-ǵa ósti. Jańa tehnologııany engizý arqyly kásiporyn birdeı ýaqytta ónimdi kóbirek shyǵara bastady, bul qarjylyq kórsetkishterdiń jaqsarýyna yqpal etti. Ekinshiden, óndiristik sıkl ýaqyty 25%-ǵa qysqardy. Endi kásiporyn tapsyrystardy jyldamyraq oryndaıdy, bul klıentterdiń suranysyn qanaǵattandyrýǵa jáne naryqtaǵy básekege qabilettilikti arttyrýǵa jol ashady.
Úshinshiden, jańa jabdyqtyń arqasynda óndiris aýysymdylyǵyn arttyrý múmkindigi paıda bolyp, kompanııa qosymsha 10 jumys ornyn qurdy. Qazir «KazConstructionGroup» kompanııasynda 46 adam eńbek etedi. Tórtinshiden, shyǵyndar únemdelip, rentabeldilik artty. Jabdyqtyń tıimdiligi 35%-ǵa artyp, óndiris shyǵyndary 40%-ǵa deıin únemdele bastady. Osylaısha, ónimniń ózindik quny tómendep, kompanııanyń paıdasy 12%-ǵa ósti.
«KazConstructionGroup» kompanııasynyń naqty nátıjeleri memlekettik yntalandyrý sharalarynyń tabysqa jetýdegi mańyzdy rólin dáleldeıdi.
«Memlekettiń qoldaýy kásiporyndy sátti jańǵyrtýda jáne onyń naryqtaǵy ornyn nyǵaıtýda sheshýshi ról atqarady. Biz damýdy jalǵastyryp, jańa jetistikterge jetýge jáne ónim sapasyn jaqsartýǵa umtylamyz», dedi kompanııa basshysy.
