Ol ár jyl saıyn bir tildi úırenip júr. Endigi maqsaty – arab tili. Aıshanyń anasy Mádına Danııarqyzy qyzyna 8 aılyǵynan bastap shet tilin úıretken. Onyń aıtýynsha, bes jasqa deıin balanyń sanasynda shet tili degen uǵym bolmaıdy.
Robot kúzetshi
Qytaıdyń shyǵysyndaǵy Venchjoý qalasynyń kóshelerin robottar kúzetedi.
Jasandy ıntellekt negizinde jumys isteıtin tehnologııa adamdardyń jeke tulǵasyn, sondaı-aq kúdiktiniń minez-qulqyn anyqtaı alady. Qajet bolǵan jaǵdaıda kóz jasaýratatyn gaz shashyp, dabyl arqyly áser etedi. Osydan keıin birden polıseılerge qaýipti jaǵdaı týraly habarlama kelip túsedi. Qurylǵynyń salmaǵy – 125 kg. Saǵatyna 35 shaqyrymǵa deıin qozǵala alady. Robottyń pishini sfera tárizdi. Sonyń arqasynda polıseıler jete almaıtyn jerlerdi tekserýge qaýqarly, tipti sýda da qozǵala alady.
Ájesin túrmege toǵytty
AQSh-tyń Mıchıgan shtaty Nıýberrı qalasynda gúl satýshy qyz Djenna Gervatovskı qyzyq úshin qurbysymen birge DNQ testin tapsyrǵan.
Birneshe kún ótken soń ony oıda joqta polısııa bólimshesine shaqyrtady. Sóıtse, Djennanyń DNQ-sy 1997 jylǵy qylmys ornyndaǵy aıǵaqtarmen sáıkes keledi eken. Tergeý kezinde qyzdyń ájesi 27 jyl boıy izdeýde júrgeni anyqtaldy. Ol aýyr qylmysqa, ıaǵnı adam óltirýge qatysy bar degen kúdikke ilingen. Endi onyń ájesine ómir boıy bas bostandyǵynan aıyrý jazasy taǵaıyndalýy múmkin.
