2024 jyldyń qazan aıynda sottalýshy S. aldaý jolymen bótenniń múlkin jymqyrý maqsatynda jábirlenýshi M-dan Sony PlayStation 5 oıyn qurylǵysyn jalǵa alyp, onyń ruqsatynsyz lombardqa ótkizip, túsken aqshany óz qalaýy boıynsha jumsap, qurylǵyny qaıtaryp bermeı, jábirlenýshini áýre-sarsańǵa salǵan.
О́z áreketterimen S. jábirlenýshi M-ǵa 300 myń teńge somasynda materıaldyq zalal keltirgen.
Ári qaraı ol osyǵan uqsas alaıaqtyq jasap, jábirlenýshi K-ny aldap, 360 myń teńge somasynda materıaldyq shyǵyn keltirgen.
Sottalýshynyń kinási óziniń moıyndaý aıǵaqtarymen, jábirlenýshilerdiń aıǵaqtarymen jáne qylmystyq is materıaldarymen dáleldendi.
Prokýror 3 jyl merzimge bas bostandyǵyn shekteý túrinde jaza taǵaıyndaýdy surady.
Sottalýshy óz kinásin moıyndap, ókinish bildirip, zalaldy ótep, is boıynsha dáleldemelerdi daýlamady.
Jábirlenýshiler jaza taǵaıyndaýdy sottyń qaraýyna qaldyrdy.
QK 190-baby 3-bóliginiń sanksııasy 3 jyldan 7 jylǵa deıingi merzimge bas bostandyǵyn shekteý nemese aıyrý túrindegi jazany kózdeıdi. Sot qylmystyq jaýapkershilik pen jazany jeńildetetin mán-jaı retinde shyn júrekten ókinýin tanydy. Aýyrlatatyn mán-jaılar anyqtalǵan joq.
Sot úkimimen S. QK 190-baby 3-bóliginiń 4-tarmaǵynda kózdelgen qylmystyq quqyqbuzýshylyqty jasaǵany úshin kináli dep tanylyp, oǵan 3 jyl merzimge bas bostandyǵyn shekteý túrindegi jaza taǵaıyndaldy.
Úkim zańdy kúshine engen joq.
