Astana qalasy PD Almaty aýdany PB krımınaldyq polısııa bóliminiń qyzmetkerleri kelip túsken aryz boıynsha, urlyqshyny anyqtady.
«Jańadan kóship kelgen áıel kórshisimen tanysý úshin onyń úıine barady. Tanysyp, áńgime aıtý barysynda kúdikti kitap sóresiniń janynda altyn áshekeı buıymdar turǵanyn kóredi. Jábirlenýshi esik qońyraýyn estip, kireberiske qaraı ketken kezde urlyqshy aram oıyn iske asyrady», delingen PD habarlamasynda.
Tártip saqshylary istiń mán-jaıyna kóz jetkizedi. 30 jasar kúdiktiniń altyn buıymdardy lombardqa tapsyrǵany belgili boldy. Polıseıler aryzdanýshynyń eki saqınasy men syrǵasyn jáne alqasyn qaıtaryp berdi. Shyǵyn kólemi shamamen bir jarym mln teńge.
Jábirlenýshi polısııa qyzmetkerlerine isti kidirtpeı urlyqshyny taýyp bergenderi úshin alǵystaryn bildirdi.
