Sýret: opennews.kz
Pavlodarlyq «Ertis» fýtbol komandasy keler jyly Birinshi lıgada oınaıdy. Fýtbol chempıonatyndaǵy jolyn qaıtadan «nólden» bastaýǵa májbúr bolǵan ujym bıyl Ekinshi lıgada jeńimpaz atandy. Klýb dırektory Seıitbek Sembaevtyń aıtýynsha, komandanyń top-menedjmenti jyl boıy eski qaryzdardy jabýmen shuǵyldanǵan.
«Ertis»-tiń burynǵy fýtbolshylary men bapkerleri aldyńda biraz borysh jınalyp qalǵany málim. Mundaı qaryzdyń sany – 37. Biz oblys basshylyǵynyń qoldaýymen barlyq máseleni rettedik. Sonyń ishinde bolgarııalyq bapker Dımıtar Dımıtrovpen de tolyq esep aıyrystyq. Ol ózge fýtbolshylar sekildi qaryz somasyn jeńildetýge kelisti. Klýbty saqtap qalý mańyzdy ekenin barlyǵy túsindi. Qazir bir ǵana fýtbolshynyń, atap aıtqanda túrikmendik legıoner Rýslan Mıngazovtyń boryshy jabylǵan joq. Fýtbolshy qaryz somasyn shegerýden bas tartty. Onyń máselesi keler jyldyń basynda sheshiledi», deıdi S.Sembaev.
Qazir Pavlodarda komanda quramyna jańadan oıynshylardy irikteý jumysy júrip jatyr. Klýbta oınap júrgender, oblys ortalyǵyndaǵy fýtbol mektepteriniń shákirtteri jattyǵý jıyndarynda óner kórsetip, kózge túskenderimen jańadan sharttar jasalýy múmkin. Jańa bapkerlik shtab áleýetti oıynshylardy tańdaıdy. Jańa jyl merekesinen keıin komanda Shymkent, Tashkent qalalarynda oqý-jattyǵý jıyndaryn ótkizýdi kózdep otyr. Jeltoqsan aıynyń ortasynda klýbtyń bas bapkeri Nıkolaı Gavrısh komandasymen qosh aıtysty. Ázirshe pavlodarlyq komandanyń tizginin ustaıtyn maman tabyla qoıǵan joq. Keler jyly «Ertis»-tiń qurylǵanyna 60 jyl tolady.
Pavlodar oblysy
